فواد چوہدری لاہور میں ان کے گھر سے گرفتار 

لاہور: پاکستان تحریک انصاف (پی ٹی آئی) کے نائب صدر فواد چودھری کو صبح سویرے اسلام آباد پولیس نے لاہور سے گرفتار کیا۔

حماد اظہر نے کہا کہ بتائیں کہ کیا مارشل لا لگ چکا ہے؟ بتائیں فواد چوہدری کو کہاں رکھا گیا ہے۔

پی ٹی آئی رہنما فرخ حبیب نے سماجی رابطے کی ویب سائٹ ٹوئٹر پر اپنے ایک پیغام میں فواد چوہدری کی گرفتاری کی اطلاع دی اور کہا کہ فواد چوہدری کو پولیس نے ان کے گھر سے گرفتار کرلیا ہے، امپورٹڈ حکومت بوکھلاہٹ کا شکار ہوگئی ہے۔

فرخ حبیب نے چند گاڑیوں کی فوٹیج بھی شیئر کی جس میں دعوی کیا کہ پولیس کی یہ گاڑیاں فواد چوہدری کو گرفتار کر کے لے جا رہی ہیں۔ 

پولیس کی یہ گاڑیاں فواد چوہدری کو گرفتار کرکے لے جارہی ہے pic.twitter.com/CJXiAHO3fQ

— Farrukh Habib (@FarrukhHabibISF) January 25, 2023

 فواد چودھری کی اہلیہ نے کہا کے ان کے شوہر کو گرفتار کرکے کسی نامعلوم جگہ منتقل کیا گیا ہے۔ پی ٹی آئی کا فواد چوہدری کی گرفتاری کے خلاف عدالت جانے کا اعلان۔

قبل ازیں 

چیئرمین پاکستان تحریک انصاف (پی ٹی آئی )اور سابق وزیر اعظم عمران خان کی گرفتاری کے خدشات کے پیش نظر پی ٹی آئی کے سینئر رہنما اور کارکنان کی بڑی تعداد رات گئے زمان پارک کے باہر جمع ہو ئی۔

اس موقع پر میڈیا سے گفتگو کرتے ہوئے سابق وفاقی وزیر فواد چوہدری کا کہنا تھا کہ عمران خان زمان پارک میں موجود ہیں، گرفتار کر کے دکھائیں، عمران خان کو گرفتار کرنا ایک سازش ہے، ہماری شرافت کو کمزوری نہ سمجھا جائے۔