فواد کو گرفتار نہیں، اغوا کیا ہے، اہلیہ

فواد چودھری کی اہلیہ نہیں بتایا کہ ہمارے گھر 10 لوگ آئے اور گرفتاری کا وارنٹ دیکھائے بغیرفواد کو اٹھا کر لے گئے، ہمیں ابھی تک نہیں بتایا کہ فواد کو کہاں لے گئے ہیں۔

حبا فواد نے جی این این سے خصوصی گفتگو کرتے ہوئے کہا کہ میں پاکستان کی شہری ہوں مجھے حق ہے جاننے کا کہ کیو ں گرفتار کیا ہے ۔

انہوں نے مزید کہا کہ ہم نے وزیر اعظم آفس سے بھی معلوم کرنے کی کوشش کی کوئی شخص کچھ نہیں بتا رہا، مجھ سے فون پر بات ہورہی تھی کہ اچانک رابطہ منقطہ ہوگیا, بعد میں سٹاف نے اطلاع دی کہ فواد کو اٹھاکر لے گئے ہیں۔

فواد چودھری کی اہلیہ نے کہا کہ میں نہیں جانتی کہ وہ لوگ پولیس اہلکار بھی تھے یا نہیں، انہیں گرفتار کیا ہے یا اغوا، چور بھی تو وردی پہن سکتے ہیں ۔

 انہوں نے کہا کہ میڈیا چینلز کے تعاون سے میری چیف جسٹس آف پاکستان سے التجا ہے کہ اس بات کا نوٹس لیں اور میرے شوہر کو بازیاب کروائیں۔