جی این این سوشل

پاکستان

پبلک ٹرانسپورٹ کے کرایوں میں مزید اضافہ، اطلاق رات 12 بجے سے ہو گا

لاہور: پیٹرولیم مصنوعات کی قیمتوں میں اضافے کے حکومتی اعلان کے بعد پبلک ٹرانسپورٹ کے کرایوں میں مزید اضافے کا فیصلہ کر لیا گیا ہے۔

پر شائع ہوا

کی طرف سے

پبلک ٹرانسپورٹ کے کرایوں میں مزید اضافہ، اطلاق رات 12 بجے سے ہو گا
جی این این میڈیا: نمائندہ تصویر

یہ فیصلہ پبلک ٹرانسپورٹ اونرز فیڈریشن نے کیا ہے۔ اس ضمن میں ترجمان پبلک ٹرانسپورٹ اونرز فیڈریشن نے کہا ہے کہ لاہور سے کراچی کے کرائے میں 600 روپےاضافہ کیا گیا ہے جب کہ لاہور سے پشاور اور صادق آباد کے کرایوں میں 200 روپے کا اضافہ ہو گا۔

ترجمان کے مطابق لاہور سے راولپنڈی، فیصل آباد اور ملتان کے کرایوں میں 100 روپے کا اضافہ کیا گیا ہے جب کہ
لاہور سے گوجرانوالہ کا کرایہ 50 روپے بڑھایا گیا ہے۔ پبلک ٹرانسپورٹ اونرز فیڈریشن کی جانب سے کیے جانے والے فیصلے کے تحت نئے کرایہ ناموں کا اطلاق اے سی اور نان اے دونوں اقسام کی بسوں پر ہو گا۔

ترجمان پبلک ٹرانسپورٹ اونرز فیڈریشن نے اس حوالے سے واضح کیا ہے کہ نئے کرایہ ناموں کا اطلاق آج شب 12 بجے سے کیا جائے گا اور ساتھ ہی خبردار کیا ہے کہ اگر کسی بھی قسم کی انتقامی کارروائی کی گئی تو گاڑیاں کھڑی کردیں گے۔

 
 

دنیا

غزہ جنگ بند ی میں سب سے بڑی رکاوٹ حماس ہے ، امریکی صدر

جو بائیڈن کا کہنا تھا کہ حماس اور اسرائیل کے درمیان جنگ بندی معاہدہ جلد ہونے کا امکان نہیں ہے

پر شائع ہوا

ویب ڈیسک

کی طرف سے

غزہ جنگ بند  ی میں سب سے بڑی رکاوٹ حماس ہے ،  امریکی صدر

امریکا کے صدر جوبائیڈن نے حماس کو غزہ جنگ بندی معاہدے میں واحد رکاوٹ قرار دے دیا۔

امریکی صدر جو بائیڈن نے میڈیا سے گفتگو میں غزہ جنگ بندی معاہدے سے متعلق منصوبے پر حماس سے کوششیں تیز کرنے کا مطالبہ کرتے ہوئے کہا کہ جنگ بندی منصوبے میں سب سے بڑی رکاوٹ حماس ہے۔

جو بائیڈن کا کہنا تھا کہ حماس اور اسرائیل کے درمیان جنگ بندی معاہدہ جلد ہونے کا امکان نہیں ہے۔

امریکی صدر نے کہا کہ غزہ میں جنگ بندی کے لیے منصوبہ اور تجاویز پیش کی تھیں جنہیں سلامتی کونسل، جی سیون اور اسرائیل نے منظور کرلیا تاہم حماس نے دستخط کرنے سے انکار کردیا۔

انہوں نے کہا کہ غزہ میں جنگ بندی پر ہمت نہیں ہاری ہے تاہم یہ بہت مشکل ہوگا۔ حماس جنگ بندی منصوبے پر عمل درآمد اور غزہ میں قیدیوں کی رہائی میں سب سے بڑی رکاوٹ ہے۔

 

پڑھنا جاری رکھیں

کھیل

پاکستان ورلڈ کپ کی دوڑ سے باہر

پہلے میچ میں امریکا نے ہرایا، ڈیلس میں جہاں دنیا کا بہترین بولنگ اٹیک کی دعوی دار ٹیم 159 رنز کا دفاع کرنے میں ناکام رہی

پر شائع ہوا

ویب ڈیسک

کی طرف سے

پاکستان ورلڈ کپ کی دوڑ سے باہر

آئی سی سی ٹی20 ورلڈ کپ 2024ء کا 30واں اور گروپ اے میں امریکا اور آئرلینڈ کا اہم ترین بارش کی وجہ سے منسوخ کردیا گیا۔

امریکا اور آئرلینڈ کا میچ بلا نتیجہ ختم ہونے کے بعد پاکستان کرکٹ ٹیم کا میگا ایونٹ سے واپسی کا ٹکٹ کٹ گیا ، امید کی کرن بھی بارش کے پانی سے بجھ گئی، پاکستان کرکٹ ٹیم کا ٹی20 ورلڈ کپ 2024 میں سفر ختم ہوگیا۔

امریکا اور آئرلینڈ کا میچ بارش کی نذر کیا ہوا، تمام پاکستانیوں کا چہرہ اتر گیا، میگا ایونٹ میں ٹیم پاکستان کی کہانی 3 میچز کھیل کر ہی تمام ہوگئی ، لاڈر ہل میں بارش کا پانی پاکستان ٹیم امیدوں کا بہا کر لے گیا، امریکا کی ٹیم گروپ اے سے بھارت کے ساتھ سپر ایٹ مرحلے میں پہنچ گئی، اب پاکستان کا آئرلینڈ سے اتوار کو ہونے والا میچ رسمی کارروائی بن کر رہ گیا۔

ٹی 20 ورلڈ کپ میں پہلے ہی میچ سے ٹیم پاکستان نے ایسا کھیل کھیلا کہ ہر طرف سے اس پر طنز کے تیر برستے رہے۔

پہلے میچ میں امریکا نے ہرایا، ڈیلس میں جہاں دنیا کا بہترین بولنگ اٹیک کی دعوی دار ٹیم 159 رنز کا دفاع کرنے میں ناکام رہی۔

شاہین ہوں، شاداب یا حارث حریف بیٹرز نے خوب مار لگائی، ٹائی میچ کا سپر اوور بہت تجربہ کار بولر محمد عامر سے کروایا گیا، جو گیند کو کنٹرول ہی نہ کر پائے، ایک دو نہیں 3 وائیڈ گیندیں کیں اور 18 رنز دیے۔

پھر افتخار، شاداب اس ہدف کو نہ پا سکے، فخر دوسرے اینڈ پر تماشا دیکھتے رہ گئے، اوور مکمل ہوا امریکیوں کا جشن شروع ہوگیا۔

دوسرے میچ میں روایتی حریف بھارت کے خلاف پاکستان کے بولرز چلے تو بلے باز ایکسپوز ہو گئے، کیا بابر، کیا فخر، عثمان، عماد، شاداب کسی کی نہ چلی، 120 رنز کا ہدف بھی پار نہ لگا سکے۔

پڑھنا جاری رکھیں

پاکستان

پنجاب حکومت نے صوبے میں سمر کیمپ لگانے کی منظوری دے دی

ذرائع کےمطابق پاکستان چیمبر آف ایجوکیشن و نجی اسکولز کی تنظیمات کی جانب سے حکومت پنجاب کو اپیل کی گئی تھی

پر شائع ہوا

ویب ڈیسک

کی طرف سے

پنجاب حکومت  نے صوبے میں سمر کیمپ لگانے کی  منظوری دے دی

پنجاب حکومت نےسکولوں میں سمرکیمپ کی اجازت دےدی،نوٹیفکیشن جاری کردیاگیا۔

تفصیلات کےمطابق موسم گرماکی تعطیلات کااعلان کرتےہوئےپنجاب حکومت نےسکولوں میں سمرکیمپ پربھی پابندی لگائی تھی۔جس کی وجہ سکولوں کوہرقسم کی سرگرمیوں کےلئے بندکردیاگیاتھا۔

ذرائع کےمطابق پاکستان چیمبر آف ایجوکیشن و نجی اسکولز کی تنظیمات کی جانب سے حکومت پنجاب کو اپیل کی گئی تھی۔

صدر پاکستان چیمبر آف ایجوکیشن محمدبشیرکاکہناہےکہ طلبہ کے بہتر مستقبل کے لیے سمر کیمپس کی اجازت ملنا خوش آئند ہے، بچوں کا تعلیمی حرج نہیں ہوگا سمر کیمپس میں طلبہ بہتر ماحول میں تعلیم حاصل کر پائیں گے، پنجاب حکومت کی جانب سے سمر کیمپس کی اجازت حکومت کے مشکور ہیں۔

پڑھنا جاری رکھیں

ٹرینڈنگ

Take a poll