شیخ رشید کے زیر استعمال لال حویلی سیل

راولپنڈی: متروکہ وقف املاک راولپنڈی نے پولیس اور ایف آئی اے کی بھاری نفری کے ساتھ کارروائی کرتے ہوئے شیخ رشید کے زیر استعمال لال حویلی سیل کردی گئی۔

تفصیلات کے مطابق ڈپٹی ایڈمنسٹریٹر وقف املاک آصف خان نے کہا کہ لال حویلی کے 2 یونٹس اور اس سے ملحقہ 5 یونٹس سمیت کل 7 اراضی یونٹس کو سیل کردیا ، شیخ رشید اور ان کے بھائی لال حویلی کے 2 یونٹس میں رہائش پذیر تھے۔

متروکہ وقف املاک نے ڈپٹی کمشنر، سی پی او اور ڈائریکٹر ایف آئی کو معاونت کیلئے پہلے ہی خطوط ارسال کئے تھے۔شیخ رشید اور ان کے بھائی شیخ صدیق کوئی ریکارڈ یا مستند دستاویز پیش نہیں کرسکے، 

لال حویلی آپریشن کیلئے ضلع انتظامیہ پولیس اور ایف آئی اے سے مدد طلب کی گئی۔