توشہ خانہ فوجداری کیس: عمران خان پر فرد جرم 7 فروری کو عائد ہوگی

اسلام آباد: سابق وزیراعظم عمران خان کے خلاف توشہ خانہ ریفرنس میں فوجداری کارروائی کے کیس میں بڑی پیش رفت سامنے آگئی ہے۔

اسلام آباد ایڈیشنل سیشن جج ظفر اقبال نے عمران خان کیخلاف توشہ خانہ ریفرنس میں فوجداری کارروائی کی سماعت میں عدالت نے سابق وزیر اعظم عمران خان کو آج طلب کیا تھا مگر وہ پیش نہ ہوئے۔

عدالت نے سابق وزیراعظم عمران خان کو 20 ہزار روپے کے مچلکے جمع کرانے کا حکم دیا ہے۔

عدالت نے عمران خان پر فرد جرم عائد کرنے کیلئے 7 فروری کی تاریخ مقرر کر دی ہے۔

عمران خان کیخلاف فوجداری کارروائی کا ریفرنس عدالت کو الیکشن کمیشن نے بھیجا تھا۔