لاہور: گزشتہ روز ناقص انجیکشن لگانے کے باعث سینکڑوں شہریوں کی بینائی متاثر ہوئی جس کے باعث مریضوں کو اسپتال میں داخل کر دیا گیا تھا ۔

ملزم نوید نامی شخص ناقص انجیکشن بنانے کے جرم میں ملوث تھا ، پولیس نے نوید نامی شخص کے خلا ف مقدمہ بھی درج کیا تھا جبکہ ملزم نوید موقع سے فرار ہو گیا تھا ۔

انجیکشن لاہور کے نجی اسپتال میں تیار کیے جانے کا انکشاف کیا گیا ہے ، پولیس نے نجی اسپتال کی تیسری منزل میں واقع کیسنر کئیر سینٹر سیل کر دیا ۔

بینائی متاثر کرنے والے انجیکشن کی لاہور کے نجی اسپتال میں تیاری کا انکشاف#GNN #NewsUpdates #BreakingNews #GNN_Updates pic.twitter.com/YCT3uVzGeP

— GNN (@gnnhdofficial) September 24, 2023

ملزم نوید انجیکشن مختلف میڈیکل سٹورز کو فروخت کرتا تھا ، پولیس نے محکمہ صحت کی درخواست پر کاروائی کرتے ہوئے اسپتال کو سیل کردیا جبکہ ملزمان تاحال گرفتار نہ ہو سکے ۔

پولیس کا کہنا ہے کہ معاملے کی تحقیقات کی جارہیں ہیں جلد سے جلد ملزم کو گرفتار کر لیا جائے گا ۔

پاکستان تحریک انصاف کے ترجمان نے کہا ہے کہ پی ٹی آئی پاکستان کی سب سے بڑی اور وفاقی سطح پر عوام کی واحد نمائندہ سیاسی جماعت ہے

تحریک انصاف اور چیئرمین عمران خان کے بغیر منصفانہ انتخابات کے حوالے سے نگران وزیراعظم کے بیان پر  پی ٹی آئی کی جانب سے شدید ردعمل کا اظہار  کرتے ہوئے ترجمان کا کہنا تھا کہ نگران وزیراعظم کا بیان آئین و جمہوریت اور ملکی مفادات کے حوالے سے ریاستی ڈھانچے میں پائی جانے والی عدم حساسیّت کا مظہر ہے۔ مقبولیت کے تمام معیارات کے مطابق عمران خان بلاشرکتِ غیرے ملک کے مقبول ترین سیاسی قائد ہیں۔

تحریک انصاف اور چیئرمین عمران خان کے بغیر منصفانہ انتخابات کے حوالے سے نگران وزیراعظم کا بیان

پاکستان تحریک انصاف کی جانب سے شدید ردعمل کا اظہار

نگران وزیراعظم کا بیان آئین و جمہوریت اور ملکی مفادات کے حوالے سے ریاستی ڈھانچے میں پائی جانے والی عدم حساسیّت کا مظہر ہے،

تحریک…

— PTI (@PTIofficial) September 24, 2023

ترجمان نے مزید کہا کہ نگران وزیراعظم کو معلوم ہونا چاہئے کہ عمران خان یا تحریک انصاف کی شمولیت کے بغیر کروایا گیا کوئی بھی الیکشن غیرآئینی، غیرقانونی اور غیراخلاقی ہوگا جسے عوام ہرگز قبول نہیں کریں گے، غیرمعمولی عوامی تائید کی حامل سیاسی قیادت اور جماعتوں کو مصنوعی، غیرجمہوری اور غیرآئینی طریقوں سے انتخاب سے باہر کرنے کے نتائج ہمیشہ تباہ کن ہوا کرتے ہیں۔

پارٹی ترجمان کا کہنا تھا کہ دستور، قانون، جمہوریت اور اخلاق نگران وزیراعظم کو سیاست و انتخاب پر اثرا انداز ہونے کے کسی غیرفطری، غیرجمہوری اور غیرآئینی منصوبے کا حصہ بننے کی ہرگز اجازت نہیں دیتے، انوارالحق کاکڑ اپنے بیان کی فوری وضاحت کریں اور بطور نگران وزیراعظم اپنی حکومت کو جمع تفریق کے شرانگیز منصوبوں سے مکمل الگ کریں۔

شمالی کوریا کے لیڈر کم جونگ ان نے چینی صدر شی جن پنگ کو ایک خط روانہ کرتے ہوئے قریبی تعاون میں فروغ کا عندیہ دیا ہے۔

ترک نشریاتی ادارے کے مطابق کم جونگ ان نے ملک کے 75 ویں جشن آزادی کی مبارک باد کے جواب میں چینی صدر کو خط ارسال کیا ہے۔انہوں نے چینی صدر کو مخاطب کرتے ہوئےلکھا کہ ہم چین کے ساتھ قریبی دوستانہ تعلقات کو مزید فروغ دینا چاہتے ہیں جن کے لیے کوششیں جاری رکھیں گے۔

واضح رہے کہ چینی صدر نے شمالی کوریا کی 75ویں یوم آزادی کی مناسبت سے کم جونگ ان کو ایک تہنیتی خط روانہ کیا تھا،اس خط میں چینی صدر نے دونوں ممالک کے درمیان بہترین ہمسایہ تعلقات کا حوالہ دیتے ہوئے لکھا تھا کہ دونوں ملکوں کے مابین یہ روایتی دوستانہ تعلقات ایک نئے دور میں داخل ہو چکے ہیں۔