اہم قومی چیلنجز، وزیراعظم نے کل جماعتی کانفرنس طلب کرلی، عمران خان بھی مدعو

اسلام آباد:ملکی سیاست میں نیا موڑ، وزیراعظم شہباز شریف نے اہم قومی چیلنجز پر تمام قومی سیاسی قائدین کو ایک میز پر بٹھانے کا فیصلہ، آل پارٹی کانفرنس (اے پی سی ) بلالی۔
 
چیئرمین تحریک انصاف اور سابق وزیراعظم عمران خان کو بھی شرکت کی دعوت دی گئی،کانفرنس  7فروری کو اسلام آباد میں ہوگی۔

 اپیکس کمیٹی اجلاس
وزیراعظم کی زیر صدارت اپیکس کمیٹی کا اجلاس آج ہوگا، جس میں پی ٹی آئی کے دو نمائندوں کو بھی شرکت کی دعوت دے دی ہے۔
 
اجلاس میں تمام اسٹیک ہولڈرز، پولیس، رینجرز اور حساس اداروں کے اعلی افسران شریک ہوں گے، اجلاس میں 30 جنوری کو پشاور پولیس لائنز کی مسجد میں ہونے والے دہشت گردی کے واقعے پر غور ہوگا۔

اعلامیے میں وزیراعظم کی جانب سے باضابطہ دعوت دی گئی ہے، ایاز صادق کا پی ٹی آئی رہنماں اسد قیصر اور پرویز خٹک سے رابطہ کیا اور  اپنی جماعت کے نامزد نمائندوں کے ناموں سے آگاہ کرنے کی درخواست کی۔

سردار ایاز صادق نے پی ٹی آئی رہنماں کو اپنی جماعت کے نامزد نمائندوں کے ناموں سے آگاہ کرنے کی درخواست کی۔

سی ٹی ڈی اور پولیس کی اپ گریڈیشن کے اقدامات پر غور ہوگا۔