روس کیساتھ سستا تیل لینے کے مذاکرات مکمل ہوگئے: مصدق ملک

جمعہ کے روز سینیٹ اجلاس میں پالیسی بیان دیتے ہوئے انہوں نے کہا روس نے کہا ہے وہ پاکستان کو دنیا کے مطابق یا اس سے بہتر ڈیل دے گا۔ روس سے کمرشل کارگو کے سفر کا وقت بیس، اکیس دن ہے۔ اپریل کے ماہ میں روس سے خام تیل کے کارگوز آنا شروع ہو جائیں گے۔

وزیر مملکت برائے پٹرولیم کا کہنا تھا کہ نیشنل شپنگ کارپوریشن سے روس سے تیل منگوانے کے لئے براہ راست مذاکرات چل رہے ہیں۔ اضافی جہاز بھی چاہیے ہوں تو نیشنل شپنگ کارپوریشن مہیا کرے۔

مصدق ملک نے مزید کہا کہ عالمی پابندیوں کے باعث ایران سے براہ راست تیل اور گیس نہیں خرید سکتے۔ ایران کے ساتھ فنانشل ٹرانزیکشن بڑھانا مشکل ہے۔