پی ٹی آئی نے ضمنی انتخابات میں حصہ لینے کا فیصلہ کیا ہے،شاہ محمود قریشی

ملتان: سابق وزیر خارجہ شاہ محمود قریشی نے کہا ہے کہ پی ٹی آئی نے ضمنی انتخابات میں حصہ لینے کا فیصلہ کرلیا  ہے، میں یہ الیکشن نظریات کے لیے لڑ رہا ہوں۔

سابق وفاقی وزیر نے کہا کہ سیاسی استحکام پاکستان کے لیے ضروری ہے،ایسی روایات قائم کرے جس سے لوگوں کا اعتماد بحال ہوں،تحریک انصاف کو دیوار سے لگانے کی کوشش کی جارہی ہے۔

 کاغذات نامزدگی جمع کروانے کے موقع پر میڈیا سے گفتگو کرتے ہوئے رہنما پی ٹی آئی شاہ محمود قریشی نے کہا کہ الیکشن کمیشن اپنی ذمہ داری نبھانے میں ناکام دکھائی دیتا ہے،کل رات اچانک ایک نیا مراسلہ جاری کیا جاتا ہے ،شیڈول کے بعد ریٹرننگ افسر کا تبادلہ کبھی نہیں سنا۔

پاکستان تحریک انصاف کے وائس چیئرمین نے کہا ہے کہ جھوٹے مقدمات میں پکڑدھکڑ اور چھاپوں کا سلسلہ جاری ہے، پی ٹی آئی کو دیوار سے لگانے کی پوری کوشش کی جا رہی ہے۔