جنوبی وزیرستان میں سیکورٹی فورسز کا آپریشن، ٹی ٹی پی دہشتگردہلاک

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے لدھا  میں دہشت گردوں کی موجودگی کی اطلاعات پر سیکیورٹی فورسز نے آپریشن کیا ہے۔آئی ایس پی آر کے مطابق  آپریشن کے دوران فائرنگ کے تبادلے میں ایک دہشت گرد پیر عرف اسد مارا گیا۔

آئی ایس پی آر کا بتانا ہےکہ دہشتگرد پیر عرف اسد 2006 سے ٹی ٹی پی کا سرگرم رکن تھا اور اس نے ٹی ٹی پی بیت اللہ محسودگروپ میں شمولیت اختیارکی۔ آئی ایس پی آر کے مطابق پیر عرف اسد حکیم اللہ محسود کی موت کے بعد شہریار محسود گروپ میں شامل ہوگیا، دہشتگرد سکیورٹی فورسزکےخلاف دہشتگردی کی سرگرمیوں میں ملوث رہا۔