نگران وزیر اعلیٰ پنجاب کے افسران کے تبادلوں کے اقدام ،لاہور ہائی کورٹ میں چیلنج

 پنجاب کی نگراں حکومت کے افسران  اور اسسٹنٹ کمشنرز کے تبادلوں کے اقدام کو لاہور ہائی کورٹ میں چیلنج کردیا گیا۔ کورٹ میں دائر درخواست میں حکومت پنجاب، نگراں وزیراعلیٰ پنجاب اور الیکشن کمیشن کو فریق بنایا گیا ہے

جس میں کہا گیا ہے کہ نگران حکومت نے غیر قانونی اقدام کرتے ہوئے پنجاب بھر میں افسروں اور اسسٹنٹ کمشنرز کے تبادلے کردئیے، نگران حکومت کو تقرر و تبادلوں کا کوئی آئینی اور قانونی اختیار حاصل نہیں۔

درخواست گزار نے کہا کہ نگران حکومت کا کام انتخابات کرانے کے لیے الیکشن کمیشن کو معاونت فراہم کرنا ہے، قانون کے تحت ٹینیور پوسٹ پر موجود افسروں کو عہدے کی میعاد مکمل ہونے تک ٹرانسفر نہیں کیا جاسکتا، افسروں کے تبادلوں سے عام سائلین اور شہریوں کو مشکلات کا سامناہے۔

موقف اختیار کیا گیا ہے کہ نگران حکومت نے سیاسی مفادات کے لیے افسروں کے تبادلے کر کے غیر قانونی اقدام کیا، عدالت افسروں اور اسسٹنٹ کمشنرز کے تبادلوں کے نوٹی فکیشن کو کالعدم قرار دے