پی ٹی آئی کی جیل بھرو تحریک کا آج سے آغاز، تیاریاں مکمل

لاہور: پاکستان تحریک انصاف (پی ٹی آئی) کی معاشی عدم استحکام ، پارٹی رہنماں اور کارکنوں پر کریک ڈان کیخلاف جیل بھرو تحریک آج لاہور سے شروع ہو گی۔

پی ٹی آئی رہنما شاہ محمود قریشی نے 200کارکنوں کے ساتھ آج لاہور میں گرفتاری دینے کا اعلان کردیا ہے، اگر حکومت نے گرفتاریوں سے انکار کیا تو پی ٹی آئی رہنما اور کارکنان مال روڈ چیئرنگ کراس پر دھرنا دیں گے۔

سابق وزیر خارجہ نے کہا کہ چیئرمین عمران خان سمیت کون کب گرفتاری دے گا؟ اس حوالے سے حکمت عملی پارٹی طے کرے گی، لاہور پولیس نے گرفتار نہ کیا تو گرفتاری دینے ملتان جائیں گے۔

جیل بھرو تحریک کے سلسلہ میں تفصیل سے غور کرتے ہوئے صدر لاہور شیخ امتیاز محمود کی جانب سے شرکا کو تفصیلی بریفنگ دی گئی

گزشتہ روز پاکستان تحریک انصاف سنٹرل پنجاب ونگ کی گورننگ باڈی کے اجلاس میں جیل بھرو تحریک پر تفصیلی غور کیا گیا جبکہ  اور تحریک کو کامیاب بنانے کے لیے حکمت عملی طے کی گئی۔

اجلاس میں فیصلہ کیا گیا کہ تحریک کے آغاز کے موقع پر گرفتاریاں دینے والے سینئر رہنماں اور کارکنوں کے اعزاز میں پارٹی دفتر میں تقریب منعقد ہوگی، ڈاکٹر یاسمین راشد گرفتاریاں دینے والے رہنماں اور کارکنوں کے ہمراہ چیئرنگ کراس پہنچیں گی۔

نگران حکومت کی بارے حکمت عملی
 جیل بھرو تحریک کے حوالے سے صوبائی دارالحکومت میں سات دن کیلئے دفعہ 144 نافذکردی ہے، اہم شاہراہوں پر احتجاج اور دھرنوں پر پابندی عائد کی گئی ہے۔
 
لاہور کی جیلوں میں گنجائش نہ ہونے کے باعث گرفتاری دینے والے کارکنوں کو میانوالی اور ڈیرہ غازی خان کی جیلوں میں منتقل کیا جائے گا۔