پاکستان میں کام سے متعلق بیان پر رنبیر کپور کی وضاحت

ممبئی: پاکستانی فلمسازوں کے ساتھ کام کرنے کے متعلق بیان پر نامور بھارتی اداکار رنبیر کپور نے وضاحت دی ہے۔

اداکار نے اپنی نئی فلم تو جھوٹی میں مکار کی تشہیری مہم کے تازہ پروگرا م میں کہا ہے کہ میرے پچھلے بیان کو درست طریقے سے سمجھا نہیں گیا تھا، گزشتہ برس  میں اس وقت ایک فلم فیسٹیول میں تھا ، پاکستانی فلمساز موجود تھے اور وہ مجھ سے پوچھ رہے تھے کہ کیا میں ایک اچھی کہانی والے پاکستانی اسکرپٹ میں کام کرنا چاہوں گا۔

معروف بھارتی اداکار رنبیر کپور نے مزید کہا کہ  سینما کی کوئی سرحد نہیں ہوتی اور میں متعدد پاکستانی فنکاروں راحت فتح علی خان اور عاطف اسلم کو جانتا ہوں جو ہندی سینما میں اپنا کردار ادا کررہے ہیں۔

اداکار نے وضاحت دی کہ ہمیںآرٹ  کو عزت دینی چاہئے لیکن کوئی آرٹ ملک سے بڑا نہیں ہوتا۔