لاہور ہائیکورٹ راولپنڈی بینچ کی جانب سے پاکستان تحریک اںصاف  کے رہنما اور سابق وفاقی وزیر شاہ محمود قریشی کو رہا کرنے کا حکم دے دیا گیا۔ عدالت نے شاہ محمود کی فوری رہائی کا حکم دیتے ہوئے کہا کہ انہیں کسی اور ایم پی او آرڈرکے  تحت گرفتار نہ کیا جائے۔

عدالت نے ڈی سی راولپنڈی کے تھری ایم پی او آرڈر کالعدم قرار دے دیے اور شاہ محمود قریشی سے کسی قسم کا شورٹی بانڈ جمع کرانے کی ہدایت نہیں کی۔

واضح رہےکہ شاہ محمود قریشی کو 9 مئی کے بعد تھری ایم پی او کے تحت گرفتار کیا گیا تھا اور ان کی اسلام آباد ہائیکورٹ کے حکم پر 23 مئی کو رہائی عمل میں آئی تھی لیکن اڈیالہ جیل سے رہائی کے بعد انہیں ایک بار پھر پولیس نے گرفتار کرلیا۔

لاہور ہائیکورٹ راولپنڈی بینچ نے مؤقف اپنایا کہ ماضی میں جو کچھ ہو چکا ہے، اس کو چھوڑ دیں، مستقبل میں ایسا نہ ہو۔ ہر چیز مذاق نہیں ہوتی۔

پیپلز پارٹی کے سینئر رہنما وسابق سینیٹر اعتزاز احسن نے کہا کہ 9 مئی کو پورے پنجاب میں واقعات ہوئے کہیں پولیس نہیں پہنچی،سمجھ سے بالاتر ہے کہ جہاز کو آگ کیسے لگ گئی۔

 تفصیلات کے مطابق رہنما پیپلزپارٹی و سینئر قانون دان بیرسٹر اعتزاز احسن  نے پریس کانفرنس سے خطاب کرتے ہوئے کہا کہ دو ویڈیوز اور آڈیوز کا ذکر کرنا چاہتا ہوں،ایک ویڈیو ہے جس میں ایک صاحب کا چہرہ نظر آ رہا ہےوہ کہہ رہے  کہ چیف جسٹس اور اعتزاز احسن عمران خان سے مل کر سازش کر رہے ہیں،کہا جا رہا ہے کہ اعتزاز احسن وکلاء میں کروڑوں روپے تقسیم کر رہے ہیں۔

ویڈیو میں بار بار کہا جا رہا ہے کہ جسٹس بندیال اعتزاز احسن اور عمران خان منصوبے بنا رہے ہیں یہ ایک بڑی بہودہ قسم کی آڈیو ویڈیو ہے اگر میں چیف جسٹس اور عمران خان پیسے بانٹ رہے ہیں تو ایجنسیز اور سکیورٹی اداروں کو کیوں پتا نہیں چلا،میرے اور عمران کے پچھے ایجنسیاں لگی ہوئی ہیں،ایجنسیاں تو یہ بھی جاننا چاہتی ہیں کہ عمران خان سوچ کیا رہا ہے۔

اعتزاز احسن کا کہنا تھا کہ  9 مئی کو لگنے والی آگ پر خواجہ سعد رفیق کا کہنا ہے کہ خاص کیمیکل سے آگ لگائی گئی،کسی پر کیمیکل سے آگ لگانے کا مقدمہ نہیں بنا،چیف جسٹس آف پاکستان اور سابق وزیراعظم عمران خان کو جھوٹی سازش میں ملوث کیا جا رہا ہے۔

اعتزاز احسن کا کہنا تھا کہ سکیورٹی ادارے اس بندے کو پہچانیں اور پکڑیں،لیڈروں کو پتلی گلی سے باہر نکالا جا رہا ہے،پی ٹی آئی رہنماؤں کو پریس کانفرنس کے بعد رہا کیا جا رہا ہے،اسد عمر سمیت دیگر بڑے بڑے لوگوں کو چھوڑا جا رہا ہے،عام کارکن کو بھی رہائی کا موقع ملنا چاہیے۔

پی پی رہنما کا مزید کہنا تھا کہ  آئی جی پنجاب سے توقع کرتا ہوں کہ سوشل میڈیا پر چلنے والے مواد بارے کاروائی کریں گے،آئی جی سے سوال کرتا ہوں کہ 7 آٹھ گھنٹے ٹولیاں زمان پارک سے نکل کر جلاؤ گھیراؤ کرتی رہیں،آئی جی صاحب بتائیں 7 آٹھ گھنٹے آپ کیا کرتے رہے؟،9 مئی کے کیسوں میں سے بڑا کچھ نکلے گیا،یہ سب کیوں ہوا کس نے کیا سب معاملات کھلیں گے۔

آئی سی سی نے مردوں میں قومی ٹیم کے کپتان بابر اعظم کو نیوزی لینڈ کے خلاف بہترین کارکردگی دکھانے پر مئی کے مینز آف دی منتھ کے لیے منتخب کیا ہے۔

اس کے علاوہ بنگلادیش کے بلے باز نجم الحسن کو آئرلینڈ کے خلاف ہوم سیریز میں بہترین کارکردگی اور آئرش بلے باز ہیری ٹیکٹر کو بنگلادیش کے خلاف بہترین کارکردگی دکھانے پر نامزد کیا گیا ہے

ویمز فارمیٹ کیلیے سری لنکا کی دو اور تھائی لینڈ کی تھیپو وانگ کو پہلی بار پلیئر آف دی منتھ کے لیے نامزد کیا گیا ہے۔