عمران خان ریل میں ہو یا جیل میں حکومت سے نہیں سنبھالا جائے گا،شیخ رشید

عوامی مسلم لیگ کے سربراہ شیخ رشید کا کہنا ہے کہ عمران خان ریل میں ہو یا جیل میں حکومت سے نہیں سنبھالا جائے گا۔

اپنے ٹویٹ میں عوامی مسلم لیگ کے سربراہ شیخ رشید کا کہنا تھا کہ پیڑول 5 روپے اور ڈیزل 13 روپے مزید مہنگا کر دیا گیا ہے، لیکن پھر آئی ایم ایف کی حکومت ڈیل نہیں ہورہی۔

عمران خان ریل میں ہویاجیل میں حکومت سےنہیں سنمبھالاجائےگاعدلیہ مریم نوازکےنشانےپرہےوہ نہیں جانتی کہ فائنل گول عدلیہ نےہی کرناہےاُس کےوالدکوعدلیہ لائےگی یا اللہ لائےگاملک افواہوں کی زدمیں ہےدنیامیں ہمارامعاشی بحران سوالیہ نشان بن گیا ہےاورحکومت خوابےخوگوش میں سوئی ہوئی ہے

— Sheikh Rashid Ahmed (@ShkhRasheed) March 16, 2023

 شیخ رشید کا کہنا تھا کہ حکومت کو کوئی سنجیدہ نہیں لے رہا، دنیا میں ہمارا معاشی بحران سوالیہ نشان بن گیا ہے، اور حکومت خواب خرگوش کے مزے لے رہی ہے۔

 سابق وفاقی وزیر نے کہا کہ عمران خان ریل میں ہو یا جیل میں حکومت سے نہیں سنبھالا جائے گا، گزشتہ روز دنیا کے تمام میڈیا چینل پر زمان پارک کی کشیدگی پہلی خبر تھی، عمران خان کے 84 مقدمات پر دنیا لعن طعن کررہی ہے۔

شیخ رشید کا کہنا تھا کہ عدلیہ مریم نواز کے نشانے پر ہے، لیکن وہ نہیں جانتی کہ فائنل گول عدلیہ نے ہی کرنا ہے، ملک افواہوں کی زد میں ہے کہ مریم کے والد کو عدلیہ پاکستان لائے گی یا اللہ لائے گا۔