ایوان صدر میں شوکت ترین اور شبلی فراز نے بطور وفاقی وزراء حلف اٹھا لیا

تفصیلات کے مطابق گزشتہ دنوں وفاقی کابینہ میں درو بدل دیکھنے کو ملا جس کے بعد آج ایوان صدر میں میں شوکت ترین نے بطور وفاقی وزیر خزانہ جبکہ شبلی فراز نے وزیر سائنس اینڈ ٹیکنالوجی کا حلف اٹھا لیا ہے۔

حلف برداری کی تقریب میں صدر مملکت بھی شامل تھے جن کی جانب سے دونوں وزرائ کی جانب سے حلف لیا گیا ۔

شوکت ترین کو حماد اظہر کی جگہ وزارت خزانہ کی ذمہ داری سونپی گئی ہے، جب کہ فواد چوہدری کو وزارت اطلاعات کا قلمدان دے کر شبلی فراز کو وزیر سائنس و ٹیکنالوجی بنایا گیا ہے۔

یاد رہے کہ گزشتہ روز وزیراعظم عمران خان نے کابینہ میں ردوبدل کی تھی، جس میں وفاقی وزیر حماد اظہر سے وزارت خزانہ اور عمرایوب سے وزارت توانائی کا چارج واپس لے لیا گیا تھا،اور اس کے بدلے حماد اظہر کو وزارت توانائی اور عمرایوب کو وزیراقتصادی امور مقرر کیا گیا تھا، جب کہ وفاقی وزیر خسرو بختیار کو وزیرصنعت و پیداوار، فواد چوہدری کو وزیر اطلاعات بنانے کی منظوری دی گئی تھی۔