عثمان ڈار کے خلاف اینٹی کرپشن کیس ،تفتیشی افسر پھر تبدیل

پاکستان تحریک انصاف کے رہنما عثمان ڈار کا کہنا ہے کہ میرے خلاف قائم جعلی اینٹی کرپشن کیس میں جس تفتیشی افسر نے حکومتی دباؤ میں آنے سے انکار کیا اسے تبدیل کر دیا گیا۔پہلے تفتیش سیالکوٹ سے گوجرانوالہ منتقل ہوئی پھر گوجرانوالہ سے لاہور اور اب کیس کے آخری لمحات پر جب جرح مکمل ہونی تھی تفتیشی افسر بدل دیا گیا

اپنے ٹویٹر پیغام میں عثمان ڈار نے کہا  ہے کہ میرے خلاف اینٹی کرپشن کا جعلی اور بوگس کیس بنایا گیا، کہتے ہیں جس تفتیشی افسر نے حکومتی دباؤ میں آنے سے انکار کیا ہے، اسے تبدیل کر دیا جاتا ہے۔کیس کے آخری لمحات میں جرح مکمل ہونے سے قبل تفتیشی افسر بدل دیا گیا، پوری تفتیش کے دوران میرے خلاف ایک روپے کی کرپشن نہیں نکال سکے۔

میرے خلاف قائم جعلی اینٹی کرپشن کیس میں جس تفتیشی افسر نے حکومتی دباؤ میں آنے سے انکار کیا اسے تبدیل کر دیا گیا۔ پہلے تفتیش سیالکوٹ سے گوجرانوالہ منتقل ہوئی پھر گوجرانوالہ سے لاہور اور اب کیس کے آخری لمحات پر جب جرح مکمل ہونی تھی تفتیشی افسر بدل دیا گیا۔ ⬇️ pic.twitter.com/QqLL1ugtrZ

— Usman Dar (@UdarOfficial) March 30, 2023

عثمان ڈار نے مزید کہا کہ جیسے چراغ بجھنے سے پہلے پوری طاقت سے پھڑپھڑاتا ہے ویسے ہی سسلین مافیا اپنے گارڈ فادرز کے ذریعے پوری طاقت سے اقتدار بچانے کی آخری کوشش کر رہا ہے لیکن جیت پھر بھی انصاف کی ہو گی آئین کی ہو گی اور عوام کی ہو گی۔