غلام فرید صابری آج بھی مداحوں کے دلوں میں زندہ

غلام فرید صابری کو مداحوں سے بچھڑے 29 برس بیت گئے، ان کی 29ویں برسی آج منائی جا رہی ہے۔

صابری برادران کی اس جوڑی نے 70 اور 80 کی دہائی میں سب کو پیچھے چھوڑدیا، غلام فرید صابری نے پہلی قوالی 1958 میں ریکارڈ کروائی، 1975میں گائی قوالی ’تاجدار حرم‘ نے ان کی شہرت کو دوام بخشا اور ایک دور میں ان کے آڈیو کیسٹس کی ریکارڈ فروخت ہوتی تھی۔

غلام فرید صابری اور مقبول صابری نے فلموں کے لیے بھی قوالیاں ریکارڈ کروائیں جن میں عشق حبیب، چاند سورج، الزام، بن بادل برسات، سچائی شامل ہیں۔

انہوں نے نہ صرف پاکستان بلکہ دنیا کے بیشتر ممالک میں اپنی آواز کا جادو جگایا، وہ جب اپنے فن کا مظاہرہ کرتے تو سننے والوں پر گویا سحر طاری ہوجاتا تھا۔

غلام فرید صابری 5 اپریل 1994 کو علالت کے بعد انتقال کر گئے تھے۔