حکومت سے مذاکرات، شفقت محمود نے بڑا اعلان کردیا

تحریک انصاف کے سینئر رہنما شفقت محمود کا کہنا ہے کہ ان کے پارٹی رہنما اور سابق سپیکر قومی اسمبلی اسد قیصر کی جانب سے آئینی ترمیم سے متعلق پیشکش وزیراعظم شہبازشریف کے استعفی سے مشروط ہے۔

 شفقت محمود کا کہنا تھا کہ حالیہ دنوں میں حکومت سے مذاکرات سے متعلق فواد چوہدری اور اسد قیصر کے بیانات ان کی اپنی آرا ہیں ۔ پارٹی پالیسی عمران خان ہی دیں گے ۔

شفقت محمود کا مزید کہنا تھا کہ حکومت سپریم کورٹ کے فیصلے کی نفی کرنے کے لئے قومی سلامتی کے اداروں کو آگے لانا چاہتی ہے اور فیصلہ نہ ماننے سے بحران پیدا ہوگا۔۔ایسا معلوم ہوتا ہے کہ حکومت نے خود کش جیکٹ پہن لی ہے ۔

انتخابات کے حوالے سے سپریم کورٹ نے فیصلہ دیدیا ہے،اس میں کوئی گنجائش نہیں رہ جاتی کی اس پر عملدرآمد نہ ہو۔

ن لیگ نے سپریم کورٹ پر حملہ کیا، عدلت سے جھگڑا کرناان لوگوں کی تاریخ ہے،عوام کی بھرپور حمایت پی ٹی آئی کے ساتھ ہے۔