سابق وفاقی وزیر علی زیدی گرفتار

ترجمان پاکستان تحریک انصاف کا کہنا ہے کہ سابق وفاقی وزیر علی زیدی کو ڈیفنس پی ٹی آئی سیکریٹریٹ سے حراست میں لیا گیا۔

ذرائع کے مطابق پی ٹی آئی سندھ کے صدر علی زیدی کو پولیس اور سادہ لباس اہلکار اپنے ہمراہ لے گئے۔

سابق گورنر سندھ عمران اسماعیل کا کہنا ہے کہ علی زیدی کو سندھ پولیس نے حسب روایت بغیر وارنٹ گرفتار کیا، پاکستان میں یہ غنڈہ راج زیادہ نہیں چلے گا، جبر کے دن تھوڑے ہیں۔

فردوس شمیم نقوی کا کہنا ہے کہ علی زیدی کو پی ٹی آئی سندھ ہاؤس سے نامعلوم افراد اٹھا کر لے گئے، سندھ حکومت کیلئے شرم سے ڈوب مرنے کا مقام ہے، سندھ ہاؤس ڈی ایچ اے میں پولیس نے زبردستی توڑ پور کی۔

انہوں نے کہا کہ نہ ایف آئی آر دکھائی نہ کچھ بتایا، جس نے ویڈیو بنائی ان کا موبائل توڑ دیا، علی زیدی کی گرفتاری کی شدید مذمت کرتے ہیں۔

فواد چوہدری کا کہنا ہے کہ علی زیدی کو بغیر وارنٹ گرفتار کیا گیا، ظلم اور جبر کا یہ نظام زیادہ دیر نہیں چلے گا۔