سپریم کورٹ پر دباؤ ڈالنا سیاسی موت کو دعوت دینے کے برابر ہے،شیخ رشید

سربراہ عامی مسلم لیگ اور سابق وزیر داخلہ شیخ رشید کا کہنا ہے کہ سپریم کورٹ پر دباؤ ڈالنا سیاسی موت کو دعوت دینے کے برابر ہے۔سپریم کورٹ نے نواز شریف کو بحال بھی کیا تھا اور گھر بھی بھیجا تھا، پوری قوم سپریم کورٹ کے ساتھ کھڑی ہے اور تمام ریاستی ادارے سپریم کورٹ کے تابع ہیں، آج جنگل کے قانون کا یا قانون کی بالادستی کافیصلہ ہوجائے گا۔

سپریم کورٹ پر دباؤ ڈالنا اس کے فیصلوں کو نہ ماننا سیاسی موت کودعوت دینے کےبرابر ہےقانون پارلیمنٹ کا کام ہےاوراس کی تشریح سپریم کورٹ کرتی ہےآئین میں90دن کےاندر الیکشن لازمی ہیں من پسند کےجج اورمن پسند کےفیصلوں کی کوئی گنجائش نہیں نہ آئی ایم ایف نہ الیکشن نہ عدلیہ آئین کا احترام ہے

— Sheikh Rashid Ahmed (@ShkhRasheed) April 27, 2023

اپنے ٹویٹ میں شیخ رشید کا کہنا تھا کہ غریب مہنگائی بے روزگاری سے مررہا ہے اور حکمران نیرو کی بانسری بجارہے ہیں، پوری دنیا میں سپریم کورٹ کوجو مقام حاصل ہے پاکستان میں اس کی توہین کی جارہی ہے، نہ آئی ایم ایف نہ الیکشن نہ عدلیہ و آئین کا احترام ہے۔

شیخ رشید کا کہنا تھا کہ اسپیکر قومی اسمبلی کا چیف جسٹس کو خط عدلیہ کی خود مختاری پر حملہ ہے، استحقاق کمیٹی میں ججوں کو بلانے کی بات کرنا ٹکراؤ کی علامت ہے، میرے نزدیک اس کے نتائج بہت بھیانک ہوں گے۔حکومت انتخاب کے لیے 21 ارب دینے کی پابند ہے، پارلیمنٹ کٹوتی یا انکارنہیں کرسکتی۔

غریب مہنگائی بیروزگاری سےمررہاہےاورحکمران نیروکی بانسری بجارہےہےاسپیکرکاچیف جسٹس کوخط عدلیہ کی خودمختاری پرحملہ ہےاستحقاق کمیٹی میں ججوں کوبلانےکی بات کرناٹکراؤکی علامت ہےمیرےنزدیک اسکےنتائج بہت بھیانک ہونگےحکومت انتخاب کےلیے21ارب دینےکی پابند ہےپارلیمنٹ کٹوتی یا انکارنہیں کرسکتی

— Sheikh Rashid Ahmed (@ShkhRasheed) April 27, 2023

سابق وفاقی وزیر کا کہنا تھا کہ قانون پارلیمنٹ کا کام ہےاوراس کی تشریح سپریم کورٹ کرتی ہے، آئین میں 90 دن کے اندر الیکشن لازمی ہیں، من پسند کے جج اور من پسند کے فیصلوں کی کوئی گنجائش نہیں، سپریم کورٹ پر دباؤ ڈالنا اس کے فیصلوں کو نہ ماننا سیاسی موت کو دعوت دینے کے برابر ہے۔