لاہورمیں مشتعل ہجوم سے خاتون کوبچانے والی پولیس افسراے ایس پی شہربانونقوی اپنے رشتہ ازدواج میں منسلک ہوگئیں ہیں ۔

تفصیلات کے مطابق شہربانو کی  شادی کی ویڈِیوز اورتصاویر سوشل میڈیا پر وائرل ہورہی ہیں۔

شہربانو نقوی کی مہندی اور شادی کی تقریبات لاہور میں ہوئیں،  شہربانو نے مہندی پرپیلے رنگ کا شرارہ زیب تن کیا  جبکہ اپنی بارات پر خاتون پولیس افسر اے ایس پی شہر بانو نے سرخ رنگ کا عروسی لباس پہنا ۔ 

واضح رہے کہ خاتون پولیس افسر شہربانو نقوی کی شادی اشتر نقوی نامی بزنس مین سے ہوئی ہے۔ شہربانو نقوی نےعربی خطاطی والا لباس پہنےخاتون کو مشتعل ہجوم سے بچایا تھا ۔

امریکی محکمہ خارجہ (سٹیٹ ڈیپارٹمنٹ) کے نائب ترجمان ویدانت پٹیل نے کہا کہ اسرائیلی فوج کے 5 یونٹس غزہ میں انسانی حقوق کی خلاف ورزیوں میں ملوث پائے گئے ہیں۔

غیر ملکی میڈیا کے مطابق امریکی نائب ترجمان ویدانت پٹیل نے صحافیوں سے گفتگو کرتے ہوئے کہا کہ اسرائیل کے 5 میں سے 4 یونٹس نے موثر طریقے سے خلاف ورزیوں کا ازالہ کیا، پانچوں یونٹ کے بارے میں اضافہ معلومات ملی ہیں جن کے حوالے سے اسرائیلی حکومت کے ساتھ بات چیت جاری ہے۔

ویدانت پٹیل نے کہا کہ جو اصلاحی اقدامات کررہے ہیں ان پر امریکی پابندیاں عائد کئے جانے کا امکان نہیں۔

انہوں نے کہا کہ اسرائیلی حکومت کے ساتھ پانچویں یونٹ کے بارے میں مشاورت جاری ہے جس نے انسانی حقوق کی خلاف ورزیاں کیں۔

وفاقی حکومت کی جانب سے یکم مئی سے مہنگائی کی ماری عوام کو معمولی ریلیف ملنے کا امکان ہے، ملک میں یکم مئی میں پٹرولیم مصنوعات کی قیمتوں میں ردو بدل کافیصلہ کیا گیا ہے۔

ذرائع کے مطابق اوگرا تیل کی قیمتوں سے متعلق اپنی ورکنگ آج وزارت پٹرولیم و مصنوعات کو بھجوائے گی۔ وزیر خزانہ وزیراعظم سے مشاورت کے بعد پٹرولیم مصنوعات کی قیمتوں کا تعین کریں گے۔

ذرائع کے مطابق یکم مئی سے پٹرول کی قیمت میں 5 جبکہ ڈیزل کی قیمت میں 8 روپے 48 پیسے اور مٹی کے تیل کی قیمتوں میں 8 روپے 27 پیسے فی لٹر تک کمی کی جا سکتی ہے۔

دوسری جانب عالمی مارکیٹ میں بھی پٹرولیم مصنوعات کی قیمتوں میں کمی کا رجحان دیکھا گیا ہے۔