شاہ چارلس سوئم کی تقریب تاج پوشی

لندن: برطانیہ کے بادشاہ چارلس سوئم اور ان کی اہلیہ ملکہ کنسورٹ کمیلا کی تاج پوشی کی تقریب جاری ہے۔

شاہی خاندان میں 40 ویں تقریب تاج پوشی لندن کے شاہی چرچ ویسٹ منسٹر ایبے میں منعقد کی جارہی ہے۔

برطانیہ میں شاہ چارلس سوم کی تاج پوشی کی تقریب مذہبی رسومات اور شاہی شان و شوکت سے ہوئی، تاج پوشی کے سلسلے میں مختلف ممالک کے سربراہوں اور اہم شخصیات کی لندن آمد۔

پرنس اینڈریو، پرنس ایڈورڈ، پرنسس یوجین، پرنسس این بھی ویسٹ منسٹرایبی تقریب میں شریک ہیں۔

شاہ چارلس سوم گزشتہ برس ستمبر میں ملکہ الزبتھ کے انتقال کے بعد بادشاہ بنے تھے۔

بادشاہ چارلس 14 نومبر 1948 کو پیدا ہوئے اور انہیں 1969 میں باقاعدہ طور پر پرنس آف ویلز بنایا گیا جبکہ بادشاہ چارلس نے فوجی خدمات بھی انجام دیں۔

بادشاہ چارلس نے پہلی شادی 1981میں آنجہانی پرنسس آف ویلز ڈیانا سےکی اور پھر بادشاہ چارلس کمیلا پارکر کےساتھ 2005 میں رشتہ ازدواج میں بندھے۔