24 ملین ڈالرز کی بچت، پاکستان نے سعودیہ کو حج کوٹہ واپس کر دیا

وزارت مذہبی امور کا کہنا ہے کہ حج کوٹہ واپس نہ کیا جاتا تو رہائش گاہوں کے کرائے اور دیگر اخراجات کی مد میں 24 ملین ڈالرز اضافی ادا کرنے پڑتے ہیں۔

ملک میں بڑھتی مہنگائی، روپیہ کی قدر میں مسلسل گراوٹ سے رواں سال فریضہ حج کی ادائیگی بھی متاثر ہوئے بغیر نہ رہ سکی، مہنگائی کے باعث پاکستانیوں نے مقررہ کوٹے سے کم حج درخواستیں جمع کرائیں۔

کم درخواستیں موصول ہونے پر پاکستان نے تاریخ میں پہلی بار سعودی عرب کو حج کوٹہ واپس کردیا، نجی ٹی وی کے مطابق  وزارت مذہبی امور کا کہنا ہے کہ سرکاری اسکیم کے تحت 8 ہزار عازمین کیلئے ملنے والا کوٹہ واپس کیا گیا ہے۔

 نجی ٹی وی کے مطابق وزارت مذہبی امور نے  گفتگو میں بتایا کہ اگر حج کوٹہ واپس نہ کیا جاتا تو حکومت کو رہائش گاہوں کے کرایہ اور دیگر اخراجات کی مد میں 2 کروڑ، 40 لاکھ ڈالرز ادا کرنے پڑتے، پاکستان کو رواں سال کئی برس بعد ایک لاکھ، 79ہزار کا حج کوٹہ ملا تھا۔