حکومت کا منصوبہ ہمیں الیکشن سے باہر کرنا ہے،عمران خان

چیئرمین پی ٹی آئی عمران خان کا کہنا ہے کہ حکومت خوفزدہ ہے انہیں الیکشن میں شکست کا ڈر ہے،اب کا منصوبہ ہے مجھے اور میری جماعت کو انتخابات سے باہر کیا جائے۔

عمران خان نے کہا کہ کسی ملک میں کیا سب سے بڑی جماعت کی اعلیٰ قیادت کو اس طرح پکڑا یانظربند کیا جاتا ہے۔ گرفتاری کے وقت اچانک کچھ لوگ کمانڈوز کی طرح آئے، میں سمجھا میری حفاظت کے لیے آئے ہیں لیکن حکومت نے اسلام آباد سے مجھے ایسے پکڑا جیسے میں کوئی دہشتگردہوں۔

تحریک انصاف کے چیئرمین کا کہنا تھا کہ حکومت خوفزدہ ہے انہیں الیکشن میں شکست کا ڈر ہے، حکومت کا منصوبہ ہے مجھے اور میری جماعت کو انتخابات سے باہر کیا جائے۔ اس وقت ملک کی تاریخ میں کمزور جمہوریت ہے، اور امید صرف عدلیہ ہے۔

PTI Chairman @ImranKhanPTI speaks exclusively to @CordeliaSkyNews : pic.twitter.com/6yHWGnMZ55

— PTI (@PTIofficial) May 14, 2023

سابق وزیر اعظم کا کہنا تھا کہ جان کو لاحق خطرات کے سبب جج  نے میری حفاظت کے احکامات دیے، جس طرح انہوں نے سب کو مارا پیٹا اور مجھے گرفتار کیا وہ حیران کن تھا، آج تک کسی سیاست دان پر 150 مقدمات نہیں ہوئے۔ میں دوبارہ بھی جیل جانے کے لیے تیار ہوں، 

عمران خان کا کہنا تھا کہ پاکستان میں بنیادی حقوق پامال کیے جا رہے ہیں، پولیس والے میرےگھرکا دروازہ توڑ کر اندر داخل ہوئے، حکومت انتخابات سے خوفزدہ ہے، انہیں پتہ ہے ان کا صفایا ہوجائےگا، یہ انتخابات میرے جیل میں ہونے یا مارے جانےکی صورت میں کرانا چاہتےہیں۔