جنسی جرائم کی روک تھام کےلئے نادرا نے نئی سہولت متعارف کرا دی

 نیشنل ڈیٹا بیس اینڈ رجسٹریشن اتھارٹی (نادرا) نے نئی سہولت متعارف کرا دی۔نادرا کی جانب سے سسٹم کو اپ گریڈ کرنے کا سلسلہ جاری ہے اور نادرا نے بچوں اور خواتین کے تحفظ کے لیے ایک اور انقلابی قدم اٹھاتے ہوئے جنسی مجرموں کی فوری شناخت کے لیے قومی رجسٹری کا اجرا کر دیا۔

شہری اب کسی بھی فرد کی خدمات حاصل کرنےسے پہلے ضرور پڑتال کریں کہ آیا وہ کسی جنسی جرم میں ملوث تو نہیں،

اس سروس کا مقصد عام شہریوں اور اداروں کو جنسی مجرموں بالخصوص بچوں و خواتین کیلئے ممکنہ خطرے کا باعث افراد کے بارے میں فوری معلومات فراہم کرنا ہے: چیئرمین نادرا @ReplyTariq
2/2

— NADRA (@NadraPak) May 13, 2023

چیئرمین نادرا طارق ملک نے کہا کہ نئی سہولت کی مدد سے جنسی جرائم میں سزا یافتہ افراد کی شناخت اور ٹریکنگ کی جا سکے گی جبکہ گھر، مدرسہ، کالج، یونیورسٹی یا کہیں بھی ملازم رکھنے سے پہلے متعلقہ شخص کا شناختی کارڈ نمبر بھیجنے سے آگاہ کیا جائے گا۔

انہوں نے کہا کہ کسی بھی فرد سے متعلق جاننے کے لیے کہ کہیں وہ جنسی مجرم تو نہیں 7000 پر شناختی کارڈ نمبر ایس ایم ایس کیا جاسکے گا۔