پی ڈی ایم کے مظاہرین ریڈ زون میں داخل

 پی ڈی ایم کے مظاہرین گیٹ پھلانگ کر ریڈزون میں داخل ہوگئے ہیں، پولیس نے سیرینا چوک کا راستہ کھول دیا۔پی ڈی ایم کے کارکنان کی بڑی تعداد شاہراہ دستور پہنچ گئی۔شاہراہ دستور کو عارضی طور پر ٹریفک کےلئے بند کر دیا گیا۔

ڈپٹی کمشنر اسلام آباد کے مطابق جے یو آئی کے وفد سےبات چیت جاری ہے، دھرنے کے مقام کا ابھی تک حتمی فیصلہ نہیں ہوسکا، اسلام آباد میں دفعہ 144نافذ ہے۔

 اس سے قبل پی ڈی ایم و جے یو آئی کے سربراہ مولانا فضل الرحمٰن کی کال پر سپریم کورٹ آف پاکستان کے سامنے احتجاج و دھرنے کیلئے اسلام آباد پہنچنے والے پی ڈی ایم کے کارکنان نے ریڈزون میں داخلے کی کوشش کی تھی تاہم نادرا چوک پر پہنچنے والے کارکنوں کو پولیس نے واپس بھیج دیا تھا۔