شیریں مزاری کا سیاست چھوڑنے کا اعلان

پاکستان تحریک انصاف کی رہنما شیریں مزاری نے پارٹی اور سیاست دونوں چھوڑنے کا اعلان کردیا۔ آج سے کسی جماعت کا حصہ نہیں ہوں۔ میرے بچے ،والدہ اور میری صحت ترجیح ہے۔

اسلام آباد میں پریس کانفرنس کرتے ہوئے انہوں نے فوجی تنصیاب پر حملوں کی مذمت کی اور کہا کہ 9 مئی کے پرتشدد واقعات کی مذمت کرتی ہوں، میری گرفتاری کے دنوں میں میری بچی ایمان پر جو کچھ گزرا اس کے بعد میں نے یہ فیصلہ کیا ہے کہ سیاست سے کنارہ کشی اختیار کررہی ہوں۔

شیریں مزاری نے سیاست اور پی ٹی آئی چھوڑنے کا اعلان کرتے ہوئے کہا کہ 5 ماہ قبل میرے شوہر کا انتقال ہوگیا تھا، اور میں بھی سیاست میں مصروف تھی، جس وجہ سے میری بیٹی کا خیال رکھنے والا کوئی نہیں تھا، اب فیصلہ کیا ہے کہ میں سیاست ہی چھوڑ دوں گی اور اپنا وقت اپنے گھر پر دوں گی۔