پوری قوم اپنے شہدا کی قدر کرتی ہے ، وہ اْن کی قربانیوں کو ہمیشہ یاد رکھے گی، صدر مملکت

اسلام آباد: صدر مملکت ڈاکٹر عارف علوی نے وطن کیلئے گراں قدر خدمات اور قربانی پر شہدا کو خراج عقیدت پیش کرتے ہوئے کہا ہے کہ پوری قوم اپنے شہدا کی قدر کرتی ہے اور وہ اْن کی قربانیوں کو ہمیشہ یاد رکھے گی۔

جمعہ کو ایوانِ صدر کے پریس ونگ سے جاری بیان کے مطابق صدر مملکت نے ان خیالات کا اظہار 20 مئی کو ٹانک جنوبی وزیرستان میں شہید ہونے والے نائیک محمد عتیق اور رجب علی کے ورثا سے فون پر گفتگو کرتے ہوئے کیا۔

ڈاکٹر عارف علوی نے شہدا کے لواحقین سے ٹیلی فون پر اظہارِ تعزیت کی اور شہدا کو خراج عقیدت پیش کیا۔ صدر مملکت نے 20 مئی کو گلاب پوسٹ بلوچستان میں شہید ہونے والے سپاہی مدثر حمید اور عبد القدیر کے لواحقین سے بھی بات کی۔

انہوں نے 20 مئی کو زرغون بلوچستان میں شہید ہونے والے سپاہی ظہیر احمد کے خاندان سے بھی رابطہ کیا اور شہدا کی وطن کیلئے گراں قدر خدمات اور قربانی پر اْنہیں خراج عقیدت پیش کیا۔

صدر مملکت نے کہا کہ پوری قوم اپنے شہدا کی قدر کرتی ہے اور ان اْن کی قربانیوں کو ہمیشہ یاد رکھے گی۔ صدر مملکت نے شہدا کے جذبہ حب الوطنی اور فرض سے لگن کو بھی سراہا۔ صدر مملکت نے شہدا کے بلندی درجات اور لواحقین کیلئے صبر جمیل کی بھی دعا کی۔\932