25 کروڑ عوام کو زرداری، نواز شریف اور فضل الرحمان کے سہارے نہیں چھوڑا جا سکتا،ہم اپوزیشن کریں گے: فواد چودھری

پی ٹی آئی چھوڑنے کے بعد پہلی پریس کانفرنس میں انہوں نے کہا کہ پی ڈی ایم کی حکومت موجودہ معاشی حالات کی براہ راست ذمہ دار ہے۔انہیں کھل کر کھیلنے کا موقع نہیں دے سکتے۔

انہوں نے کہا کہ 9 مئی کے واقعات کی بھرپور مذمت کرتے ہیں، گرفتار کارکنان  جو ان  واقعات میں ملوث نہیں تھے اور بے گناہ ہیں انہیں باہر نکالنا ہمارا فرض ہے۔

ان کا کہنا تھا کہ کسی صورت بھی پاکستان کی آنے والی نسلوں کو بحران کا شکار نہیں ہونے دیں گے۔

فواد چودھری نے بتایا کہ ہماری تحریک انصاف کی تمام سابقہ لیڈر شپ  اسد عمر ، شاہ محمود قریشی ، حماد اظہر اور دیگر رہنماوں سے تفصیلی گفتگو ہوئی ہے۔

انہوں نے کہا کہ پاکستان کو مسائل کے حل کی طرف جانا ہے اور ہم جائیں گے ہمارا ماننا ہے پاکستان کو مستقل سد باب کرنا ہو گا۔

مزید کہا کہ ہم سب کی مجموعی طور پر یہ ذمہ داری ہے نو مئی کے واقعات نہ ہوتے، دیکھتے ہیں آگے کیسا بڑھنا ہو گا۔