فیڈرل بورڈ آف ریوینو نے 11 ماہ میں 6.198 ٹریلین روپے کے محصولات جمع کئے،ترجمان ایف بی آر

فیڈرل بورڈ آف ریونیو نے جاری مالی سال کے پہلے 11 ماہ میں 6.198 ٹریلین روپے کے محصولات جمع کئے ۔

ایف بی آر کے ان لینڈ ریونیو کے مطابق جولائی سے مئی 2023 تک کی مدت میں ایف بی آر نے 6198 ارب روپے کے محصولات جمع کئے ہیں جو گزشتہ مالی سال کی اسی مدت کے مقابلہ میں 16 فیصد زیادہ ہے تاہم یہ حجم مقرر کردہ 6640 ارب روپے کے مقابلہ میں کم ہے ۔

مئی میں ایف بی آر نے 559 ارب روپے کے محصولات اکٹھے کئے جو گزشتہ سال مئی کے مقابلہ میں 14 فیصد زیادہ ہے تاہم مقرر کردہ ہدف 621 ارب روپے سے 62 ارب روپے کم ہے