پنجاب کابینہ نے سول سروس پنشن رولز میں ترمیم کی منظوری دیدی

کابینہ نے پنجاب سول سروس پنشن رولز میں ترمیم کی منظوری دیدی،ملازمین کو ریٹائرمنٹ کے بعد 65 فیصد پنشن کی فوری ادائیگی یقینی ہو گی۔

جب تک پنشن کے مکمل کاغذات تیار نہیں ہوتے تب تک 65 فیصد پنشن ملتی رہے گی،نگران وزیر اعلیٰ محسن نقوی نے تمام محکموں کو سرکاری ملازمین کی ترقی کے کیسز جلد نمٹانے کا حکم بھی دیدیا۔

اجلاس میں سڑکوں کوٹوٹ پھوٹ سے بچانے کیلئے ایکسل لوڈ مینجمنٹ رجیم متعارف کرانے کا فیصلہ کیا گیا، فیکٹریوں سے نکلنے والے بڑے ٹرالر کے وزن کو باقاعدہ چیک کیا جائے گا،زیادہ وزن والے ٹرالرکو سڑک پر نہیں آنے دیا جائے گا

پنجاب کے 5 شہروں میں مفلوج ہونے والے مریضوں کی بحالی کیلئے خصوصی سنٹرز بنائے جائیں گے،لاہور،شہروں میں ملتان، تونسہ، لاہور، فیصل آباد اور واہ میں سنٹرز بنیں گے۔

نگران وزیر اعلی ٰمحسن نقوی نے اسموگ پر قابو پانے کے لئے جامع پلان طلب کر لیا،اکبر چوک لاہور پر فلائی اوور پراجیکٹ کیلئے گرانٹ ان ایڈ ،پنجاب انوائرمنٹل پروٹیکشن(سنگل یوز پلاسٹک پراڈکٹ کے استعمال) کے قوانین 2023 کی منظوری بھی دیدی گئی ۔