وزیراعظم اردگان کی تقریب حلف برداری میں شرکت کے لیے انقرہ پہنچ گئے

انقرہ: وزیر اعظم محمد شہباز شریف ہفتہ کو ترک صدر رجب طیب اردوان کی تقریب حلف برداری میں شرکت کے لیے ترکی کے دو روزہ سرکاری دورے پر انقرہ پہنچ گئے۔

PM Shehbaz Sharif arrives in Ankara on his two day official visit to attend inauguration ceremony of President Recep Tayyip Erdogan. High officials from Turkish Foreign Ministry & ?? Mission in ?? received PM upon his arrival at Esenboga Airport, Ankara. #PMShehbazinTurkiye pic.twitter.com/YH0ZqDEGvZ

— Prime Minister's Office (@PakPMO) June 2, 2023

انقرہ ایئرپورٹ پر وزیراعظم کا استقبال ترک وزارت خارجہ کے سینئر افسران اور ترکی میں پاکستان کے سفیر نے کیا۔

وہ ترک صدر اردگان کی دعوت پر ترکی کا دورہ کر رہے ہیں جنہوں نے 28 مئی کو ہونے والے انتخابات کے دوسرے مرحلے میں کامیابی حاصل کی تھی۔

شہباز شریف کے ہمراہ وفاقی وزیر اطلاعات و نشریات مریم اورنگزیب اور وزیراعظم کے معاون خصوصی طارق فاطمی پر مشتمل وفد بھی ہے۔

دورے کے دوران وزیراعظم ترک سرمایہ کاروں اور تاجر برادری سے بھی بات چیت کریں گے۔