روز ویلٹ ہوٹل لیز پر دینے کا معاہدہ طےپا گیا،خواجہ سعد رفیق

وفاقی وزیر ریلوے اور ہوا بازی خواجہ سعد رفیق کا کہنا ہے کہ امریکا میں روز ویلٹ ہوٹل لیز پر دینے کیلئے نیو یارک سٹی ایڈ منسٹریشن کے ساتھ معاہدہ طے پا گیا ہے،ہوٹل لیز پر دینے سے پاکستان کو 220 ملین ڈالر آمدنی ہوگی۔

لاہور میں میڈیا سے گفتگو میں سعد رفیق نے کہا کہ روزویلٹ ہوٹل پاکستان کا اثاثہ ہے، اس کے ایک ہزار پچیس کمروں کو لیز پر دیا گیا۔ نیو یارک سٹی ایڈمنسٹریشن کے ساتھ معاہدہ ہونے سے دو سو بیس ملین ڈالر کی آمدنی ہوگی۔ تین سال کےلئے ہونے والا معاہدہ پاکستان کے مفاد میں ہے، معاہدے کے بعد روزویلٹ ہوٹل کےحوالےسےقیاس آرائیاں دم توڑگئی ہیں۔

انھوں نے کہا کہ روز ویلٹ ہوٹل کی عمر100سال سےزائد ہوگئی ہے، معاہدہ ختم ہونے پر ہوٹل واپس پاکستان کو مل جائے گا، معاہدہ سے سول ایوی ایشن کا کوئی ملازم بے روزگار نہیں ہوگا،ہمارےلئےبڑامسئلہ ملازمین کی تنخواہیں تھیں

وفاقی وزیر کا کہنا تھا کہ پی آئی اے کا کوئٹہ سے حج فلائٹ آپریشنکامیابی سے جاری ہے، پہلی بار کوئٹہ سے حج فلائٹ آپریشن کا آغاز ہوچکا ہے۔ پی آئی اے اس حالت میں نہیں چل سکتا حالت بدلنا ہوگی ، ادارے کو اسکی اصلی حالت میں بحال کریں گے۔