بھارت میں کورونا کی بگڑتی صورتحال ، پاکستان کی مدد کی پیشکش

تفصیلات کے مطابق ہندوستان میں کورونا وباء کی انتہائی تشویشناک صورتحال پر   پاکستان کا احسن اقدام، کورونا وباء کے خلاف بھارت کو امداد کی پیشکش کردی۔

ترجمان دفتر خارجہ زاہد حفیظ چوہدری کا کہنا ہے کہ  اقدام حالیہ وبائی صورتحال میں بھارتی عوام کیساتھ بطوراظہاریکجہتی ہے، پاکستان، بھارت کووینٹی لیٹرز، بائی پیپ کی فراہم کرنے کوتیارہے،بھارت کوڈیجیٹل ایکسرے مشینیں، حفاظتی لباس، دیگرآلات کی پیشکش بھی کی ہے۔

The concerned authorities of #Pakistan and #India can work out modalities for quick delivery of the relief items. They can also explore possible ways of further cooperation to mitigate the challenges posed by the #pandemic. 2/2 @MEAIndia @PakinIndia

— Spokesperson ?? MoFA (@ForeignOfficePk) April 24, 2021

ترجمان دفتر خارجہ کا کہنا ہے کہ  پاکستان، بھارت حکام امداد کی جلد فراہمی کیلئے امور طے کر سکتے ہیں، حکام وباء سے درپیش چیلنجز سے نمٹنے کیلئے مزید تعاون کے طریقہ کار کا بھی ‏جائزہ لیں گے۔

خیال رہے کہ  بھارت میں کورونا کی بیماری نے تباہی مچادی ہے، ہسپتال مریضوں سے بھر گئے ہیں ، آکسیجن کی کمی کی وجہ سے ہسپتالوں نے مزید مریض داخل کرنا بند کر دیئے۔ کورونا سے ہلاکتوں کی شرح خوفناک حد تک بلند ہو گئی ۔ بھارت میں  چوبیس گھنٹوں کے دوران کویڈ 19 کے تین لاکھ چھیالیس ہزار سات سو چھیاسی نئے کیسز ریکارڈ کیے گئے ہیں  ۔ جو  یومیہ بنیادوں پر کیسز کا ورلڈ ریکارڈ ہے۔