وفاقی کابینہ کی کارروائی کو آن لائن نظام پر منتقل کرنے کی تیاریاں مکمل

تفصیلات کے مطابق وفاقی کابینہ کی کارروائی آٹومیشن نظام کےتحت ہوگی، وفاقی کابینہ کے تمام ممبرا ن کو ٹیبلیٹس پی سی فراہم کردیئے گئے ہیں۔ کابینہ ارکان کو ایجنڈا، سمریاں، اجلاس کے منٹس آن لائن فراہم کئے جائیں گے، وزیراعظم کی ہدایت پر انتظامات کو حتمی شکل دے دی گئی ہے۔

حکومت کو آن لائن نظام  پر منتقلی سے سالانہ کروڑوں روپے کی بچت ہوگی، کاغذی استعمال ختم اور پرنٹنگ اخراجات کی بھی بچت ہوگی۔ اس کے علاوہ  آن لائن سسٹم سے حساس معلومات کی رازداری بھی یقینی بنائی جاسکے گی۔