مودی اورجوبائیڈن کااعلامیہ پاکستانی خارجہ پالیسی کی ناکامی ہے،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ حکمرانوں کےاپنےاثاتےاپنی دولت اپنی اولاد ملک سے باہر ہیں اگر یہ اپنےاثاثےملک کےاندرلےآئیں توملک کےآدھےمسئلے حل اورآئی ایم ایف کا دباؤ کم ہو جائےگا۔

حکمرانوں کےاپنےاثاتےاپنی دولت اپنی اولادملک سےباہرہیں اگریہ اپنےاثاثےملک کےاندرلےآئیں توملک کےآدھےمسئلے حل اورIMFکادباؤ کم ہوجائے13مردہ پارٹیوں نےملک کوغریب کاقبرستان بنادیاہےزرداری کومیثاق معشیت سےپہلے کرپشن کاحساب دیناہوگانوازشریف کےآنےیاناآنےسے اب سیاست میں کوئی فرق نہیں پڑےگا

— Sheikh Rashid Ahmed (@ShkhRasheed) June 25, 2023

اپنے ٹویٹ میں شیخ رشید کا کہنا تھا کہ نوازشریف کےآنے یا نا آنےسے اب سیاست میں کوئی فرق نہیں پڑےگا۔غیر مقبول حکمران جب صرف تقریروں اورتصویروں کےلیےلائےجاتےہیں تواقتصادی، داخلہ اورخارجہ پالیسیاں تباہ وبرباد ہو جاتی ہیں۔ یہ الیکشن میں جانےکی پوزیشن میں نہیں ہیں۔ نہ عوام انہیں مانتی ہے اور نہ ہی دنیا انہیں تسلیم کرتی ہے۔ یہ عوام کے سہارےنہیں بےساکھیوں کےسہارےچل رہےہیں۔

انہوں نے کہا کہ 13 مردہ پارٹیوں نےملک کوغریب کا قبرستان بنا دیا ہے۔ زرداری کو میثاق معشیت سے پہلے کرپشن کاحساب دینا ہوگا۔ ساری دنیا کو معلوم ہےیہ کرپٹ غیرمقبول اورچور دروازے سے لایا گیا قبضہ گروپ ہے۔

ہتھکڑیاں چادرچاردیواری کی تباہی خواتین کی تضحیک یہ ہےشریفوں کی جمہوریت خود سیروتفریح موج میلےپرہےغریب بےبس215ارب روپےکامزیدٹیکس10روپےپیٹرول پرمزید لگ رہےہیں مہنگائی بیروزگاری لوڈشیڈ نگ اجناس کی قلت غریب کامقدرہےساری دنیاکومعلوم ہےیہ کرپٹ غیرمقبول اورچوردروازےسےلایاگیاقبضہ گروپ ہے

— Sheikh Rashid Ahmed (@ShkhRasheed) June 25, 2023

سابق وفاقی وزیر کا مزید کہنا تھا کہ ہتھکڑیاں، چادر چار دیواری کی تباہی، خواتین کی تضحیک یہ ہےشریفوں کی جمہوریت، خود سیر و تفریح موج میلے پر ہے اور غریب بےبس عوام پر 215 ارب روپے کا مزید ٹیکس لگایا جا رہا ہے۔ 10روپےپیٹرول پرمزید لگ رہےہیں مہنگائی، بیروزگاری، لوڈشیڈ نگ اور اجناس کی قلت غریب کا مقدر ہے۔

سربراہ عوامی مسلم لیگ نے کہا کہ امریکہ بھارت اعلامیہ کےاگلےروز ہی 2 پاکستانی سولین کو باڈر پر شہید کیا گیا، پاکستان کواس کا بھرپورجواب دینا چاہیے۔مودی اورجوبائیڈن کااعلامیہ پاکستانی خارجہ پالیسی کی ناکامی ہےہمارےفوجی جوان دہشتگردوں کےخلاف روزجام شہادت نوش کررہےہیں اورامریکہ انڈیااعلامیہ میں ہمیں دہشتگردی کامرتکب ٹھہرایا گیا ہے