پاکستان کے تیار کردہ وینٹی لیٹرز کارآمد نہیں، شبلی فراز

وزیر سائنس اینڈ ٹیکنالوجی شبلی فراز نے میڈیا سے گفتگو کرتے ہوئے کہا ہے کہ این آر ٹی سی اور پرائیویٹ فرمز وینٹی لیٹرز تو بنا رہی ہیں لیکن پاکستان کے تیار کردہ وینٹی لیٹرز کارآمد نہیں ہیں ، ہمارے وینٹی لیٹرز 16 میں سے صرف 4 فنکشنز پر پورا اترتے ہیں۔

شبلی فراز نے کہا کہ ہمارے پاس کورونا ایمرجنسی کے لیے آکسیجن اور ضروری اسٹاک موجود نہیں ہے،اسٹیل ملز سے آکسیجن ہنگامی طور پر فعال کرنے میں وقت لگے گا، اگر ایسا ہوجائے تو اچھی بات ہے لیکن لگتا ہے کہ اس میں کچھ مسائل ہیں۔ان کا مزید کہنا تھا  کہ  کورونا سے نبرد آزما ہونے کے لیے ہم سے جو بھی بھارت کے لیے ہوسکا ضرور کریں گے، یہ انسانیت کا مسئلہ ہے، بھارت کے ساتھ پوری ہمدردیاں ہیں۔