وائس چیئرمین پاکستان تحریک انصاف کی عبوری ضمانت میں 15 جولائی تک کی توسیع

9 مئی کو جلاؤ گھیراؤ کا مقدمہ، وائس چیئرمین پاکستان تحریک انصاف شاہ محمود قریشی کی عبوری ضمانت میں 15 جولائی تک کی توسیع کر دی گئی۔ 

عدالت میں پیشی کے بعد میڈیا سے گفتگو کرتے ہوئے وائس چیئرمین پی ٹی آئی نے کہا کہ حکومت کو 9 ماہ کےلئے 3 ارب ڈالر کا اسٹینڈ بائی قرض ملا ہے،وقتی طور پر تو ڈیفالٹ کا خطرہ ٹل گیا ہے لیکن چند ماہ بعد کیا ہو گا۔ ہیمیں اس کا حل تلاش کرنا ہو گا۔

شاہ محمود قریشی کا کہنا تھا کہ عدالتوں میں یش ہو رہے ہیں ،سیاسی ،قانونی اور پر امن طریقے سے آگے بڑھنا چاہتے ہیں۔ ہم نے اپنی حکوتم یں اسلاموفوبیا کی نشاندہی کی تھی۔ہم نے اقوام متحدہ میں بھی آواز اٹھائی جس میں فیصلہ ہوا کہ 15 مارچ کو اسلاموفوبیا کے خلاف پوری دنیا میں یک زبان ہو کر بات کی جائےگی۔

رہنما پی ٹی آئی کا کہنا تھا کہ حدودو قیود کا تعین ہونا چاہیے، میں اظہار رائے کا خواہش مند ہوں، جو کسی کی جان کو خطرے سے دوچار کردے وہ کس قسم کا اظہا ر رائے ہے، پوری قوم کو یکجا ہونا چاہیے، پرامن طور پر جمعہ کی نماز کے بعد اظہار کرنا چاہیے، ہم پرامن لوگ ہیں، لیکن اس کا کوئی متفقہ لائحہ عمل تیار کیا جائے۔