آئی ایم ایف معاہدے کی خلاف ورزی برداشت نہیں کی جا ئے گی ، شہبازشریف

وزیراعظم شہباز شریف نے جمعہ کے روز آئی ایم ایف کی مینیجنگ ڈائریکٹر کرسٹالینا جارجیوا سے ٹیلیفونک گفتگو میں کہا کہ 12 اگست تک ہماری حکومت ہے، پھر نگران حکومت آجائے گی، نگران حکومت آئی ایم ایف معاہدے کا احترام جاری رکھے گی، عوام نے منتخب کیا تو آئی ایم ایف کی مدد سےمعیشت کو بہتر بنائیں گے۔

ایم ڈی آئی ایم ایف نے کہا کہ پاکستان اورآئی ایم ایف کےدرمیان اب مضبوط شراکت داری اور باہمی اعتماداستوارہوچکا، پاکستان آئی ایم ایف کااہم رکن ہے، آئی ایم ایف پاکستان کی ہرممکن حد تک مددکرتا رہے گا۔

ایم ڈی آئی ایم ایف  کرسٹلیناجورجیوا کا کہنا تھا کہ وزیراعظم نے پیرس ملاقات میں معاہدہ پوراکرنے کی دانش مندی ،عزم دکھایا اور وزیراعظم نے جولیڈرشپ دکھائی، وہ لائق تحسین اورقابل تعریف ہے، اسی وجہ سے آپ کی مدد کریں گے۔

ٹیلیفونک گفتگو میں شہباز شریف نے تین ارب ڈالر کے حال ہی میں ہونے والے سٹینڈ بائی معاہدے کو عملی جامہ پہنانے میں منیجنگ ڈائریکٹر کی حمایت اور مدد پر ان کا شکریہ ادا کیا۔