آرمی چیف سے جنوبی کوریا کے سفیر کی ملاقات

پاک فوج کے شعبہ تعلقات عامہ (آئی ایس پی آر) میجر جنرل بابر افتخار کے مطابق آرمی چیف جنرل قمرجاوید باجوہ سے پاکستان میں جنوبی کوریا کے سفیر نے  ملاقات کی ہے، ملاقات باہمی دلچسپی کےامور، خطے کی سیکورٹی صورتحال پرگفتگو کی گئی ہے۔

 آئی ایس پی آر کا کہنا ہے کہ  ملاقات میں دوطرفہ اوردفاعی تعلقات کےفروغ کےحوالے سےبھی تبادلہ خیال کیا گیا ہے۔

آرمی چیف جنرل قمر جاوید باجوہ نے کہا کہ  پاکستان جمہوریہ کوریا کے ساتھ تمام ڈومینز میں دوطرفہ تعلقات کو آگے بڑھانے کو بہت اہمیت دیتا ہے۔دونوں نے خطے میں امن اور سلامتی کے لئے کوششوں سمیت دوطرفہ تعلقات کو مزید فروغ دینے کی خواہش کا اعادہ کیا۔

جنوبی کوریا کے  سفیر  نے خطے میں امن و استحکام لانے کے لئے، خصوصا افغان امن عمل میں  پاکستان کی مخلصانہ کوششوں کو سراہا۔