آسٹریلیا میں فوجی ہیلی کاپٹر گر کر تباہ

میڈیا رپورٹس کے مطابق جنگی ہیلی کاپٹر ریاست کوئنز لینڈ کے دارالحکومت برسبین سے 890 کلومیٹر سے دور ایک ساحل کے قریب گر کر تباہ ہوا۔

حادثے کے بعد امریکا اور آسٹریلیا کے درمیان ہونے والی مشترکہ مشقیں روک دی گئی ہیں۔

برطانوی میڈیا نے دعوی کیا ہے کہ  ہیلی کاپٹر امریکا اور آسٹریلیا کی مشترکہ فوجی مشقوں میں استعمال ہورہا تھا ، فوجی ہیلی کاپٹر گر کر تباہ ہونے کے بعد آسٹریلیا نے امریکہ کے ساتھ ایک بڑی فوجی مشق کو روک دیا ہے۔

آسٹریلیا کے وزیر دفاع رچرڈ مارلس نے ہفتے کےدن بتایا کہ لاپتہ ایم آر ایچ 90جنگی  ہیلی کاپٹر اور اس میں سوار عملے کے چاروں  افراد کی تلاش کا مشن جاری ہے،جبکہ اداروں کی رپوٹس کے مطابق چاروں افراد کے ہلاک ہونے کا خدشہ ظاہر کیا جارہا ہے۔

دوسری جانب فوجی مشقوں کے ڈائریکٹر، بریگیڈیئر ڈیمین ہل نے کہا کہ حادثے کے بعد  فوجی مشقوں کو روک دیا گیا تھا۔