یوم عاشور : لاہور،پشاور،کوئٹہ،کراچی،میں جلوس اپنی منزل پر اختتام پذیر

لاہور:  ملک  بھر میں یوم عاشورہ مذہبی و دینی عقیدت و احترام سے منایا گیا، لاہور، پشاور ، کوئٹہ ، کراچی ،سمیت ملک کے تمام چھوٹے بڑے شہروں  میں یوم عاشور کے مرکزی جلوس اپنی  اپنی منزل تک  پہنچ کر اختتام پذیر ہوگئے۔

لاہور

10 محرم الحرام کا مرکزی جلوس لاہور کی نثار حویلی سے برآمد ہوا، جس میں لاکھوں عزاداروں نے ماتمی جلوس میں شرکت کی ، حضرت امام حسینؓ کو شہید لیے جانے کے غم میں عزاداروں نے زیجیر زنی کی اور ہاتھ سے ماتم کیا  لاہور کا مرکزی جلوس مغرب کے بعد گامے شاہ پہنچ کر اختتام پذیر ہو گیا۔

لاہور کے مرکزی جلوس کے لیے  سکیورٹی کےکافی  سخت انتظامات کیے گئے ، جلوس کے روٹس کی چھتوں پر سنائپرز بھی تعینات  کئے گئے تھے، مرکزی جلوس 390 سی سی ٹی وی کیمروں سے مانیٹرنگ کی گئی، اس حوالے سے 3 آپریشن روم بنائے گئے ، مرکزی جلوس کی سکیورٹی پر 11 ہزار سے زائد  پولیس اہلکاروں نے ڈیوٹی کے فرائض سرانجام دیئے۔

کوئٹہ

کوئٹہ  10 محرم الحرام کا جلوس علمدار روڈ سےہوتا  ہوا جو نماز مغرب کے وقت دوبارہ علمدار روڈ پہنچ کر اختتام پذیر ہو گیا، جلوس کیلئے پولیس نے سخت انتظامات کیے تھے جب کہ کوئٹہ میں موبائل سروس بھی معطل کی گئی تھی  اور ڈبل سواری پر بھی پابندی عائد کی گئی تھی کوئٹہ  میں سخت حفاظتی انتظامات کئے گئے تھے، پولیس اور ایف سی کے 8 ہزار سے زائد اہلکار جلوس کی سیکیورٹی پر تعینات تھے 

پشاور

پشاور میں بھی یوم عاشور جا آخری جلوس بھی امام بارگاہ آغا مصطفی سے برآمد ہوا اور واپس اسی راستے سے ہوتا ہوا آغا مصطفی واپس پہنچا پشاور میں بھی موبائل سروس معطل رہی سیکیورٹی کے فل پروف انتظا مات کیے گئے یوم عاشورہ کو عقیدت و احترام سے منایا گیا جبکہ پورے شہرمیں 12 جلوس نکالے گئے ۔

کراچی

کراچی میں بھی یوم عاشوربہت عقیدت و احترام سے منایا گیا  کراچی کا مرکزی جلوس نشتر پارک سے برآمد ہوا اور اپنے مقررہ راستوں سے ہوتے  ہوئے امام بارگاہ حسینیہ ایرانیان کھارادر پر اختتام پذیر ہوا۔

حضرت امام حسین اور ساتھیوں کی لازوال قربانی کو سلام#GNN #GNN_Updates #NewsUpdates #Breakingnews pic.twitter.com/sC2Strmx2z

— GNN (@gnnhdofficial) July 29, 2023