چینی نائب وزیر اعظم کی آمد،اسلام آباد میں عام تعطیل کا اعلان

ضلعی انتظامیہ کے مطابق سوموار اور منگل کو مقامی تعطیل کا اعلان کیا گیا ہے۔  اسلام آباد میں تعلیمی ادارے،یونیورسٹیز ،کالجز  اور نجی دفاتر بند رہیں گے۔

انتظامیہ کا کہنا ہے کہ 31 جولائی اور یکم اگست کو اسلام آباد کی حدود میں بازار، دکانیں اوربینک بھی بند رہیں گے۔

میڈیا ذرائع کے مطابق چین کے نائب وزیر اعظم 31 جولائی کو پاکستان کا دورہ کریں گے  اور ان کے ہمراہ اعلیٰ سطح کا وفد بھی اسلام آباد آئے گا، چینی نائب وزیر اعظم پاکستان کی اعلیٰ قیادت سے ملاقات کریں گے اور اہم معاہدے بھی کئے جائیں گے،پاک چین دوستی کے باعث اسلام آباد میں تعطیل کا اعلان کیا گیا۔

ضلعی انتظامیہ کے مطابق عدالتیں، قانون ساز ادارے، قومی اسمبلی، سینیٹ سیکرٹریٹ اور وزارتیں معمول کےمطابق کام کریں گی،31جولائی اور یکم اگست کی چھٹی کی تجویز چیف کمشنر کی منظوری سے پیش کی گئی ہے۔