جی ایچ کیو راولپنڈی میں پیپلز لبر یشن آرمی کے قیام کی96ویں سالگرہ کی تقریب

پاک آرمی کے سربراہ جنرل عاصم منیر نے پیپلز لبریشن آرمی چین  کے قیام کی 96ویں سالگرہ پرمبارکبادپیش کرتے ہوئے کہا ہے کہ پاک چین تعلقات منفرد اور مضبوط ہیں ،دونوں ممالک نے کامیابی سے ہر چیلنج کا سامنا کیا۔ پیپلز لبریشن آرمی (پی ایل اے) کے قیام کی 96 ویں سالگرہ پر جی ایچ کیو راولپنڈی میں تقریب منعقد ہوئی جس کے مہمان خصوصی پاک فوج کے سربراہ جنرل عاصم منیر  مہمان خصوصی تھے۔

اس موقع پر خطاب کرتے ہوئے چینی ناظم امور نے پیپلز لبریشن آرمی کی 96ویں سالگرہ کے موقع پر خصوصی تقریب کے انعقاد پر آرمی چیف  کا شکریہ ادا کیا ۔چینی ناظم امور  نے کہا کہ چین اور پاکستان آئرن برادرز ، آل ویدر فرینڈز اور سٹریٹجک پارٹنر ہیں۔

چینی ناظم امور  نے کہا کہ چین میں منعقدہ مشترکہ تعاون کمیٹی نے فوجی تعاون کے لیے ایک اہم پلیٹ فارم قائم کیا ہے جو دونوں ممالک کے درمیان ملٹری ٹو ملٹری تعلقات کے لیے مؤثر طریقے سے کام کرے گا۔پاک آرمی چیف  نے چین کے دفاع، سلامتی اور قوم کی تعمیر و ترقی میں پیپلز لبریشن آرمی چین کے کردار کو سراہا۔

دونو ں مما لک، افواج اور عوام کے درمیان گہرے تعلقات کے مختلف پہلوؤں کو اجاگر کرتے ہوئے آرمی چیف نے کہا کہ پاک چین تعلقات منفرد اور مضبوط ہیں ۔ انہوں نے کہا کہ پیپلز لبریشن آرمی اور پاک فوج آپس میں گہرے تعلقات ہیں ،ہمارے تعلقات ہمارے اجتماعی مفادات کے تحفظ میں اپنا کردار ادا کرتے رہیں گے۔

جی ایچ کیوراولپنڈی میں چین کی پیپلز لبر یشن آرمی کے قیام کی96ویں سالگرہ کی تقریب#GNN #NewsUpdates #BreakingNews #GNN_Updates pic.twitter.com/8Lb265aeyo

— GNN (@gnnhdofficial) August 2, 2023