وزیر اعلی پنجاب محسن نقوی نے جی این این کو پانچویں سالگرہ پر مبارکباد پیش کی

لاہور: نگراں وزیراعلیٰ پنجاب محسن نقوی نے جی نیوز نیٹ ورک کے ہیڈ آفس کا دورہ کیا اور پانچویں سالگرہ کی کامیابی سے تکمیل پر انتظامیہ اور عملے کو مبارکباد دی۔

وزیراعلیٰ نقوی، جنہوں نے اس سے قبل اسلام آباد میں نئے نگران وزیراعظم انوار الحق کاکڑ کی تقریب حلف برداری میں شرکت بھی  کی،جی نیوز نیٹ ورک پہنچے۔ سینئر صحافی اور اینکر پرسن عارف حمید بھٹی، بیورو چیف شہزاد حسین بٹ اور دیگر نے وزیراعلیٰ محسن  نقوی کا استقبال کیا۔

ٹی وی سے بات کرتے ہوئے، سی ایم محسن نقوی نے کہا، "میں پوری ٹیم اور کام کرنے والے صحافیوں کو مبارکباد دیتا ہوں۔بہت سے عظیم ستارے یہاں کام کر رہے  ہیں۔ میں جی این این کے لیے نیک خواہشات پیش کرتا ہوں،‘

نئے تعینات ہونے والے نگراں وزیر اعظم انوار لحق کا کڑ کے بارے میں ایک اور سوال کے جواب میں بات کرتے ہوئے  وزیر اعلی نے کہا کہ "نئےنگراں  وزیر اعظم بہت پرجوش ہیں۔ اور مجھے امید ہے کہ وہ عوام کے لیے بہت سی اچھی چیزیں کریں گے۔‘‘