احتساب عدالت نے پرویز الہیٰ کو 6 روزہ جسمانی ریمانڈ پر نیب کے حوالے کردیا

عدالت نے سابق وزیراعلیٰ پنجاب پرویز الٰہی کو 6 روزہ جسمانی ریمانڈ پر نیب کے حوالے کردیا۔

لاہور کی احتساب عدالت میں گجرات اور منڈی بہاؤالدین میں ترقیاتی کاموں میں کرپشن کیس کی سماعت ہوئی۔ لاہور کی احتساب عدالت کے جج زبیر شہزاد کیانی نے نیب نےدرخواست پر سماعت کی۔

 نیب کے پراسکیوٹر وارث جنجوعہ اور پرویز الٰہی کے وکیل امجد پرویز بھی کمرہ عدالت میں پیش ہوئے۔ نیب ٹیم نے سابق وزیر اعلی کو کمرہ عدالت میں پیش کیا جہاں تفتشی حکام کی جانب سے جسمانی ریمانڈ کی استدعا کی گئی۔

دوران سماعت سرکاری وکیل نے کہا کہ 4 ملزمان کو گرفتار کرکے ان کا ریمانڈ لیا جا چکا ہے، کل پرویز الٰہی کو بھی گرفتار کیا۔ سرکاری وکیل کا کہنا تھا کہ سالانہ ترقیاتی کام میں سپلیمنٹری فنڈ مختص کئے گئے، گجرات میں 200 اسکیموں کو وزیراعلیٰ ہاؤس سے منظوری دی گئی تھی۔

پرویز الہیٰ کے وکیل نے کہا کہ پرویز الہیٰ  کی دو درخواستیں زیر سماعت ہیں ایک لاہور ہائیکورٹ مین ہی  اور ایک سپریم کورٹ میں ہیں۔اپ پیر تک جسمانی ریمانڈ نہ دیں کیونکہ پرویز الہیٰ  کے کیسز زیر التو ہیں۔ جس کے بعد عدالت نے پرویز الہیٰ  کا پیر تک جسمانی ریمانڈ منظور کر لیا.امجد پرویز نے پرویز الہیٰ  کو سہولیات فراہم کرنے کی درخواست عدالت میں جمع کروا دی ہے۔

قبل ازیں پرویز الہیٰ  نےکمرہ عدالت میں اپنے وکلا کے ساتھ ملاقات کی،وکیل نےعدالت سے استدعا کی کہ پرویز الہیٰ  سے ملاقات کا وقت دیا جائے جس پر عدالت نے پرویز الہیٰ   کو وکلا سے مشاورات کی اجازت دی۔

احتساب عدالت نے پرویز الٰہی کو 6 روزہ جسمانی ریمانڈ پر نیب کے حوالے کردیا جب کہ سماعت 21 اگست تک ملتوی کردی۔

یاد رہے کہ پرویز الہیٰ  کو گزشتہ روز سینٹرل جیل اڈیالہ راولپنڈی سے رہا ہوتے ہی نیب کی ٹیم نے دوبارہ گرفتار کرلیا تھا۔لاہور ڈیوٹی سول جج کے سامنے پیش کر کے ایک روزہ راہداری ریمانڈ کے بعد رات گئے ہی  نیب ہیڈ کوارٹر لاہور پہنچا دیا گیا تھا۔جس کے بعد آج لاہور کی  احتساب عدالت میں پیش کیا گیا۔نیب لاہور نےپرویز الہیٰ  کے جسمانی ریمانڈ کے لیے درخواست دی تھی۔