الیکشن کمیشن حلقہ بندیاں شفاف طریقہ کار سے کرے،چیف جسٹس آف پاکستان

چیف جسٹس عمر عطا بندیال نےکہا کہ  الیکشن کمیشن حلقہ بندیاں شفاف طریقہ کار سے کرے، حلقہ بندیاں عوامی مفاد کا معاملہ ہے۔سپریم کورٹ نے حلقہ بندیوں سے متعلق معاملہ واپس الیکشن کمیشن کو بھجوا دیا۔

چیف جسٹس نے ریمارکس دئیے کہ الیکشن کمیشن حلقہ بندیاں شفاف طریقہ کار سے کرے،  سندھ میں حلقہ بندیوں پر حساسیت زیادہ ہے، سندھ سے اکثریہ گلا کیا جاتا ہے کہ حلقہ بندیاں درست نہیں ہوئیں۔

دوران سماعت چیف جسٹس نے استفسار کیا کہ الیکشن کمیشن عام انتخابات کب کرا رہا ہے؟ اس پر ڈی جی لاء الیکشن کمیشن نے کندھے اچکا دئیے۔

نے کہا کہ یعنی ابھی تو انتخابات کی کوئی تاریخ ہی طے نہیں ہوئی، الیکشن کمیشن انتخابات سے قبل تمام معاملات حل کرے۔

بعد ازاں سپریم کورٹ نے حلقہ بندیوں سے متعلق معاملہ واپس الیکشن کمیشن کو بھجوادیا۔

واضح رہے کہ سندھ میں صوبائی حلقے پی ایس 7، 8 اور 9 شکارپورکی حلقہ بندیاں سپریم کورٹ میں چیلنج کی گئی تھیں