امن و امان اور شفاف انتخابات کا انعقاد اولین ترجیح ہے،نگران وزیر اعلیٰ سندھ

نگران وزیر اعلیٰ سندھ جسٹس (ر) مقبول باقر کا کہنا ہے کہ امن و امان اور شفاف انتخابات کا انعقاد اولین ترجیح ہے۔

وزیر اعلیٰ سندھ اور اپوزیشن لیڈر کی طرف سے متفقہ طور پر نامزد نگران وزیر اعلیٰ نے کہا کہ نگران حکومت کا پہلا کام الیکشن کمیشن کو صاف شفاف، آئین اور قانون کے مطابق الیکنش میں معاونت کرنا ہے۔ اس کے علاوہ سندھ کی عوام کے لئے بہتر سے بہتر کام کریں گے، کوشش کریں گے کے حکومت کے دوران عوام کو ریلیف دے سکیں، اس وقت پورا ملک پریشانیوں سے دوچار ہے۔ 

مقبول باقر کا کہنا تھا کہ قدرتی آفات اور انٹرنیشنل معاملات کی وجہ سے عوام بدحالی کا شکار ہیں، کوشش کریں گے سب سے پہلے محروم طبقے کو ریلیف دے، امن و امان کی صورتحال کو پہتر کرنے کی پوری کوشش کی جائے گی۔ شہری مسائل اپنے ہیں اور دہی مسائل اپنے ہیں اس کے علاوہ سیلاب زرگان کی پریشانیاں بھی ہیں اس لئے ہم جو کر سکے وہ کریں گے۔

کوشش کروں گا کہ حکومت کے دوران عوام کو ریلیف دے سکوں،نامزد نگران وزیراعلٰی#GNN #GNN_Updates #Breakingnews #Newsupdates pic.twitter.com/vT9bMqIlHd

— GNN (@gnnhdofficial) August 15, 2023

انہوں نے مزید کہا کہ کراچی کے بھی اپنے سنگین مسائل ہیں، اپنی طرف سے پوری کوشش کریں گے کہ انہیں ٹھیک کیا جائے۔ کسی حد تک میں اس لئے کہہ رہا ہو کہ ہمارے پاس ایک تو وقت کل ہو گا اور دوسرا ملک میں وسائل بھی بہت محدود ہیں۔ 

انتخابات سے متعلق سابق چیف جسٹس نے کہا کہ ہم اس انداز میں کام کریں گے کہ کسی کو بھی کوئی شکایت نہ ہو، سب کچھ شفاف ہو اور آئین و قانون کی حدود میں رہ کر ہو۔ جو ہماری ذمہ داری ہے وہ ادا کریں گے اور کسی کے ساتھ زیادتی نہیں ہونے دیں گے۔