چیئرمین پی ٹی آئی نے ملک بھر میں درج مقدمات میں گرفتاری روکنے کےلئے درخواست دائر کر دی

چیئرمین پی ٹی آئی نے ملک بھر میں درج مقدمات میں گرفتاری روکنے کے لئےسپریم کورٹ میں درخواست دائر کر دی۔

درخواست میں وفاقی حکومت، آئی جی پنجاب،بلوچستان اور سپرنٹینڈنٹ جیل اٹک کو فریق بنایا گیا۔

سابق وزیراعظم کی جانب سے دائر درخواست میں نیب، ایف آئی اے، انسداد دہشت گردی عدالت لاہور اور اسلام آباد کو بھی فریق بنایا گیا ہے۔

آئین کے آرٹیکل 184 تھری کے تحت دائر درخواست میں عمران خان نے مؤقف اختیار کیا ہے کہ  درخواست گزار کو سیاسی مخالفین کی جانب سے سیاسی انتقام کا نشانہ بنایا جا رہا ہے ۔ درخواست گزار کے خلاف ملک بھر میں 180 سے زائد بے بنیاد ،جھوٹے فوجداری مقدمات درج کیے گئے ہیں