احتساب عدالت نے ایم کیو ایم رہنما مصطفی کمال ودیگر کے خلاف ریفرینس چیئر مین نیب کو واپس بھجوا دیا

احتساب عدالت کراچی میں کلفٹن غیر قانونی الائنمنٹ کیس کی سماعت ہوئی جس میں احتساب عدالت نے ایم کیو ایم رہنما مصطفی کمال ودیگر کے خلاف ریفرینس چیئر مین نیب کو واپس بھجوا دیا۔

ملزمان کی جانب سے نیب کے دائرہ اختیار کو چیلنج کرنے کی درخواست منظور کر لی گئی ۔

تفصیلات کے مطابق احتساب عدالت کراچی میں کلفٹن میں سرکاری اراضی کی غیر قانونی الاٹمنٹ کے ریفرنس کی سماعت ہوئی۔

ایم کیو ایم رہنما مصطفی کمال و دیگر ملزمان عدالت میں پیش ہوئے، ریفرنس کے حدود کے تنازع پر ملزموں کی دائر درخواست پر وکلا نے دلائل دیے جس کے بعد عدالت کی جانب سے وکلاء کے دلائل کے بعد فیصلہ محفوظ کرلیاگیا۔